17:24 20 Тогуздун айы 2021
Түз эфир
  • USD84.7931
  • EUR98.5847
  • RUB1.1933
Дүйнөдө
Кыскача шилтеме алуу
Дүйнөгө жайылган коронавирус (1557)
242 0 0

Тоё тамак жебегенде иммундук системанын кадимки иштөө нормасы бузулуп, вирус чакырган инфекцияны жугузуу кооптуулугу жогорулары тастыкталган.

БИШКЕК, 26-июл. — Sputnik. Америкалык окумуштуулар тоё тамак жебеген адамдар COVID-19 илдетинин оор түрүнө чалдыгарын аныктады. Аталган изилдөөнүн жыйынтыгын Scientific Reports журналы жарыялаган.

Эксперттердин командасы чала тоют болгондор менен коронавирустун оор формасынын ортосундагы байланышты изилдеген. Ал үчүн АКШда 2020-жылдын март айынан июнга чейин COVID-19га кабылып ооруканага түшкөн 8 604 жаш баланын жана 94 495 чоң кишинин маалыматы алынган.

Анда тоё тамак жебегенде иммундук системанын кадимки калыбында иштөө нормасы бузулуп, вирус чакырган инфекцияны жугузуу кооптуулугу жогорулары тастыкталган.

Коронавирустун оор формасына чалдыккан  балдардын 7,5 пайызына "тамакты аз жеген" деген диагноз коюлган. Ошол эле учурда жеңил түрү менен ооругандардын 1,5 пайызына гана ушундай диагноз болгон. Ал эми чоңдор арасында төрт пайызы аз тамактануунун кесепетин тартса, 1,8 пайызы жеңил түрү менен ооруп айыккан. Муну менен чала тойгон балдар да, улуулар да COVID-19дун оор формасына чалдыгары белгилүү болгон. Ошондой эле кичинекейлерде жана 79 жаштан жогорку курактагыларда кооптуулук жогору экени аныкталган.

Авторлор жасаган эмгеги коомдук саламаттык сактоого пайдасы тиерин белгилеп, бул топко кирген адамдардын COVID-19дун оор формасына өтүп кетишинин алдын алууга жардам берерин болжогон.

 

Тема:
Дүйнөгө жайылган коронавирус (1557)

Тема боюнча

COVID-19дун жеңил түрү менен ооругандарда канча антитела болот. Адистин пикири
Белгилер:
окумуштуулар, коронавирус, оору

ЭҢ МААНИЛҮҮ