БИШКЕК, 13-ноя. — Sputnik. Тогуз жаштагы нидерланддык вундеркинд Лоран Симонс жакында Эйндховендеги техникалык университеттин дипломун алат. Бул туурасында BBC жазды.
Лоран Симонс электротехника факультетинде билим алат. Университетке ал бир жыл мурда өткөн.
Орто жана жогорку класстардын мектеп программасын 1,5 жыл мурда өздөштүргөндүгү айтылат. Ал учурда бала сегиз жашта болгон жана орто билимге ээ деген аттестат алган.
Каникулдан соң окуусун университетте улантып, программаны курсташтарына караганда тез өздөштүрүп алган.
Посмотреть эту публикацию в Instagram
Тестиердин IQ сү 145ке тең экени жана көрүп, эске сактап калуусу мыкты экендиги айтылат. Лоран өзү сүйүктүү предмети математика экенин, себеби анда геометрия, алгебра бар экендигин билдирген.
Бала келечекте кардиохирург кесибин аркалагысы келет экен. Мектепте окуп жүргөндө эле ал Амстердам университетиндеги медицина факультетине өтүп алган.
Лоран Симондун айтымында, адамдын өмүрүн узартуучу каражат тапкысы келет.
Посмотреть эту публикацию в Instagram
Анын энеси голландиялык, атасы бельгиялык. Өзү Бельгияда туулуп, кийин үй-бүлө Нидерландга көчүп келген.
Ата-энеси уулунун башкача экендигин эрте билишкен. Атасы анын башка балдардан айырмаланып оюнчукка көп көңүл бурбагандыгын айткан.
"Эгерде эртең плотник болом десе, биз үчүн маселе деле жаратпайт. Башкысы, балам бактылуу болсо болду", — дегени жазылган. Бул туурасында ал Лоран университетке өткөндө айткан.
