БИШКЕК, 8-фев. — Sputnik. Кытайдын Харбин провинциясынан семирип кеткен сибирь жолборстору табылып, сүрөттөрү интернетке таркап кеткенин РИА Новости Mirror агенттигине шилтеме берүү менен жазып чыкты.
Зоопаркка барган жарандар менен социалдык тармактын колдонуучулары жаныбарларга Кытай жаңы жылын майрамдоо учурунда көп тамак берилгенин болжошууда. Көпчүлүк ашыкча салмак жолборстордун саламаттыгына терс таасир тийгизет деп чочулап жатышат.
Ал эми адистердин айтымында, сибирь жолборстору Харбинде болчу кышка даярдык көрүү үчүн атайылап ашыгы менен азык жешет. Кышкысын бул аймакта аба ырайынын температурасы —20 градуска чейин төмөндөйт.
ЖМКлар жаныбарлар жай айларында кайрадан өз калыбына келерин жазып чыкты.
Сибирь жолборстору багылган зоопарк Кытайдагы эң ири парктардын бири болуп эсептелип, аянты миллион чарчы метрге жетет.