Байкатпай келип кол салган кабыланды качырган аялдын видеосу

Жазылуу
Индияда өз үйүнүн короосунда отурган аялга кабылан кол салды. Улгайган айым колундагы таягы менен жырткычты бир чапкан.
Леопарддын секирген учуру видеокамерага тартылып калган. Жүрөк үшүн алган видеону Times of India басылмасы жарыялады.
Окуя Индиянын Мумбаи шаарынын токойго жакын аймагында болгон. Өз үйүнүн короосунда отурган 55 жаштагы Нирмаладеви Сингхге кабылан кол салган.
Кадрдан сейилдеп чыккан аялды жырткыч артынан байкатпай аңдып күтүп отурганын көрүүгө болот. Бир аздан соң ал бейкапар бараткан адамга секирген.
В Индии леопард утащил собаку с крыльца дома — видео нового случая - Sputnik Кыргызстан, 1920, 21.06.2021
Индия: кабыландын итти жаткан жеринен тамактап, көтөрүп кеткен видеосу
Аял таянып жүргөн таягы менен жапайы мышыкты башка чапкан. Кыйкырыктан улам үйдөгүлөр жардамга чыгышкан. Бул учурда кабылан качып кетүүгө үлгүргөн.
Токой чарбасы департаментинин өкүлү Гаджанана Хайранын айтымында, аялдын денесиндеги тырмактын издерине караганда ага бир топ эле чоң леопард кол салган. Ал кошумчалагандай, бул акыркы бир нече айда айбан адамга тиш салган экинчи окуя. Департамент кол салган жырткычтын санын билүү үчүн атайын камераларды орноткон.
Жаңылыктар түрмөгү
0