Хабиб Нурмагомедов жеңил салмакта UFC чемпиону аталгандан кийин социалдык тармактарда болочоктогу чемпиондун тогуз жашында аюунун мамалагы менен алышкан видеосу популярдуу болууда. Бул тууралуу BJPenn.com аралаш мушташ боюнча маалымат порталы жазып чыкты.
Мушкердин атасы Абдулманап Нурмагомедов интервьюларынын биринде баласы тогуз жашка толгондо байланып турган жырткычты көрсөтүп "муну менен алышкандан коркпойсуңбу?" деп сураганын эскерди. Аюу балага караганда оор жана тумшук кабы жок болгон. Бирок Хабиб коркуп кеткен эмес.
Бул арада ММА мушташы боюнча адис Робин Блэк өзүнүн "One Minute Breakdown" берүүсүндө тогуз жашар Нурмагомедовдун күрөш техникасын талдоого аракет жасаган.
One Minute #BREAKDOWN: @TeamKhabib vs #BEAR.
— Robin Black (@robinblackmma) 4 апреля 2018 г.
Mr. Nurmagomedov has been wrestling a lifetime. This is fun, yes, but we are lucky to witness it. He is a Fighting Fish + smashing other men is his water. #Genius.@ufc @danawhite @CraigBorsari @ZachCandito @joerogan @TheNotoriousMMA pic.twitter.com/cbgjIvUXrI
Блэк кичинекей мушкер каршылашынын оор салмагына карабастан өзүнүн күчүн көрсөтө алганын белгилеген.
Өткөн дем алыш күндөрү Хабиб Нурмагомедов америкалык каршылашы Эл Яквинтти жеңип, UFC уюмунун жеңил салмактагы чемпиону аталды. Мушкер 26 жолу кармашка чыгып, баарында тең жеңишке жеткен.
