Ага премьер-министр Сапар Исаков, калаа мэри Албек Ибраимов баштаган аткаминерлер менен маданият өкүлдөрү жана шаар тургундары катышты. Ошондой эле Россиянын Свердлов облусунун эл аралык жана тышкы экономикалык байланыштар боюнча министри Андрей Соболев да келди.
26 Аяк оона 2017, 17:02
Эстелик Чүй проспектиси менен Тыныстанов көчөсүнүн кесилишине орнотулган.
Бир жыл мурда айкелди "Ала-Тоо" кинотеатрынын чыгыш тарабына тургузуу боюнча талкуу жүргөн.
Таштан жасалган Чокморовдун эстелигинин бийиктиги 3,6 метрге жетет. Буга архитектор Олег Лазарев менен скульптор Азамат Кожегулов тартылган.
СССРдин эл артисти 1939-жылдын 9-ноябрында Чүй облусуна караштуу Аламүдүн районунда туулган. 1992-жылы оорудан улам Бишкекте көз жумган.
