Дүйшөмбү күнү президенттикке талапкер Өмүрбек Бабанов маалымат жыйын өткөрүп, шайлоочулары менен тарапташтарын чагымчылдыкка алдырбоого чакырды.
"Сиздерди мыйзамсыз аракеттерге түрткөн кадамдар бизден, жеке менден демилгеленген жок. Биз шайлоо участкаларында болгон мыйзам бузууларды жеке иликтөөгө алып, мыйзам чегинде гана иш алып барабыз. Мен эч качан бийликти басып алууга аракет кылган эмесмин, азыр да, кийин да басып алуу ниетим жок экенин айтып келем. Биз шайлоочуларыбыздын, үгүтчүлөрүбүздүн, тарапташтарыбыздын укугун мыйзам жолу менен гана коргойбуз", — деди Бабанов.
Милиция кызматкерлери менен өкмөттүн облустагы өкүлү эл ичинде түшүндүрүү иштерин жүргүзүүдө.
Өмүрбек Бабановдун шайлоо штабы талапкердин да, штабдын да митингге эч кандай тиешеси жок экенин маалымдады.
Таластагы абал тууралуу Sputnik Кыргызстан агенттиги жүргүзүп жаткан тексттик трансляциядан окуңуз>>
