Бишкекте жөө адамдар өтүүчү чийинден бир кызды унаа сүзүп кетти. Бул тууралуу Sputnik Кыргызстан агенттигине күбө билдирди.
Анын айтымында, окуя 12-кичи районунда болжол менен кечки саат 22.00дөрдө болгон.
"Кыз Токомбаев көчөсүндөгү жөө адамдар өтүүчү жол чийинден өтүп бара жатканда жеңил унаа катуу ылдамдык менен келип сүздү. Ал качууга жетишпей калды", — деди күбө.
Видеодо көрүнгөндөй жаракат алып асфальтта жаткан кызга тегерек четиндеги адамдар жардамга келишкен. Кызды сүзүп кетти делген айдоочу жабырлануучуга алгачкы медициналык жардам көрсөткөн.
Бишкек ШИИБдин Кайгуул милиция башкармалыгы кырсык болгонун тастыктады.
Эгер кандайдыр бир окуяларга күбө болуп, сүрөт, видео тартсаңыз Sputnik Кыргызстан агенттигинин 0706 566 544 WhatsApp номери аркылуу билдириңиз.
