10:45 25 Теке 2017
Түз эфир
Видео

Милицияны капотко сүйрөткөн боюнча айдап кеткен окуянын видеосу

Кыскача шилтеме алуу
577272
© Видео / предоставлено правоохранительными органами КР

Кечээ, 15-мартта Манас жана Чүй проспектисинен айдоочу инспекторду машинанын капотуна жаткырып алып Киев көчөсүнө чейин айдап келген.

Бишкек ШИИБдин Кайгуул милициясы аталган окуянын чоо-жайын билдирди. Ага ылайык, 15-мартта Бишкек шаарынын Ленин РИИБине Бишкек ШИИБдин Кайгуул милициясынын кенже инспектору, милициянын сержанты М.К. кайрылган.

Ал өз билдирүүсүндө Чүй менен Манас проспектисинин кесилишинде мамлекеттик объектилерди коргоо боюнча кызмат өтөп турганын жазган. Манас проспектисинде машина токтотууга болбойт деген белгиге карабай Toyota Windom үлгүсүндөгү эки машинанын токтоп турганын көргөн.

"Инспектор токтоп турган биринчи Toyota Windom үлгүсүндөгү машинанын айдоочусуна келип, техникалык паспортун жана айдоочулук күбөлүгүн сураган. Экинчи автоунаанын жанына келгенде айдоочусу болгон эмес. Ал 5-10 мүнөттөн кийин келип, тийиштүү документтерин көрсөтүүдөн баш тарткан. Бирок бир аздан кийин чала-бучук көрсөтүп унаасына отуруп, атайылап сүзүп айдап качууга аракет кылган", — деп айтылат маалыматта.

Инспектордун "токтоңуз" деп айткандарына карабай машинанын капотуна жаткырган боюнча Манас проспектиси менен жогорку жакты карай айдап, Киев көчөсүнөн өтүп, ал жерден башка инспекторлорду көрүп токтогон.

Айдоочунун 52 жашта экени аныкталды. Ага карата Кылмыш жаза кодексинин 234-беренеси (бейбаштык) боюнча кылмыш иши козголуп, убактылуу кармоочу жайга киргизилди. Ал эми жабыр тарткан инспектор 32 жашта.

Учурда аталган факты боюнча тергөө амалдары жүрүп жатат.

Видеоматериал укук коргоо органдары тарабынан берилип, Кыргызстандын жалпыга маалымдоо каражаттары боюнча мыйзамдарынын негизинде даярдалды. 

Тема боюнча

Бишкекте айдоочу милиционерди капотко жаткырган боюнча сүйрөп кетти
ИИМ: капотко сүйрөлгөн жол инспектору айдоочуга койгон дооматынан баш тартпайт
Белгилер:
айдоочу, Кайгуул милициясы, Бишкек

Дагы видео

ЭҢ МААНИЛҮҮ