Милиционерди капотко жаткырган боюнча сүйрөп кеткен айдоочу кармалды

Жазылуу
Шектүү катары Бишкек шаарынын 52 жаштагы тургуну кармалып, убактылуу кармоочу жайга киргизилди.

БИШКЕК, 16-мар. — Sputnik. Бишкекте милиционерди капотко жаткырган бойдон унаасын айдап кеткен айдоочу кармалганын ИИМдин маалымат кызматынан кабарлашты.

Билдирмеге караганда, инспекторго баш ийбеген шектүүгө карата Ленин райондук ички иштер башкармалыгы тарабынан кылмыш иши козголду.

Айдоочу: Инспектор капотко секирип, тапанчасын такагандыктан, коркуп айдап жибердим
"Инспектор өзүн тааныштырып, айдоочулук күбөлүгүн сураган. Ал ошондой эле жаран унаасын туура эмес жерге токтотконун билдирген. Айдоочу башка эле документтерин алып чыгып, кетүүгө камынган. Ага токтоо буйругу берилгенде тескерисинче милиционерди сүзүп, капотко жыгылган инспекторду жаткырган бойдон машинасын айдап жөнөгөн", — деп айтылат маалыматта.

Айдоочу 200 метрге чейин жүргөндө алдынан чыга калган Кайгуул милициясы токтоткон.

"Шектүү катары Бишкек шаарынын 52 жаштагы тургуну кармалды. Ага карата Кылмыш жаза кодексинин 234-беренеси (бейбаштык) боюнча кылмыш иши козголуп, жаран убактылуу кармоочу жайга киргизилди", — деп белгиленет маалыматта.

Учурда күбөлөр суракка алынып тергөө иштери жүрүп жатат.

Эске салсак, 15-мартта Манас менен Чүй проспектилеринин кесилишинде айдоочу унаасын капотко жабышкан милиция кызматкери менен кошо айдап кеткен

Жаңылыктар түрмөгү
0