БИШКЕК, 25-сен. — Sputnik. Эстонияда өткөн спорттук жана бал бийи боюнча эл аралык жарышта кыргызстандыктар экинчи орунду ээлешти. Бул туурасында КРдин спорттук бийлер боюнча федерациясынан кабарлашты.
"WDSF International Open taken place in Tallinn — 2017" деп аталган иш-чарага Кыргызстан, Австрия, Германия, Польша, Израиль, Франция жана Россия сындуу 15 өлкөдөн 43 жуп катышкан.
Жарышта КРдин Спорттук бий боюнча федерациясынын бийчилери чоңдордун латын бийи категориясында бийчи-спортчулар Артем Семеренко менен Валерия Качалко экинчи орунду камсыз кылган.
Эске сала кетсек, бул эки бийчи апрель айында өткөн Италиядагы эл аралык турнирде үчүнчү орунду ээлешкен.
