Эртең Бишкектин бир катар көчөсүндө жарык жок болот. Тизме
18:58 25.01.2021 (Жаңыртылды: 14:27 14.12.2021)
© Sputnik / Максим Блинов
/ Жазылуу
"Түндүк электр" ишканасынын бригадалары трансформатордук көмөк чордондордо техникалык жактан тейлөө, зымдарды монтаждоо жана башка иштерди жүргүзүшөт.
БИШКЕК, 25-янв. — Sputnik. Эртең, 26-январда, Бишкектеги 29 көчөнүн айрым жерлеринде электр жарыгы өчүшү күтүлүп жатканын "Түндүк электр" ишканасы билдирди.
Бул күнү мекеменин бригадалары трансформатордук көмөк чордондордо техникалык жактан тейлөө, зымдарды монтаждоо жана башка иштерди жүргүзүшөт.
Жарык берүү үзгүлтүккө учурай турган аймактар:
- 9:00-12:00 — Токтоналиев, Люксембург көчөлөрүндө, Лазурный, Верхний жана Баррикадный кууш көчөлөрүндө;
- 9:00-17:00 — Балбан-Таймаш жаңы конушунда;
- 9:00-18:00 — Ынтымак жаңы конушунда (Самойленко, Ветеринарная, Түштүк магистраль, Абдрахманова жана Набережная көчөсү);
- 9:30-13:00 — 12-кичи районундагы Каралаев көчөсүнүн кесилиштеринде;
- 9:30-13:00 — Ялтинская, Муса Жалил, Шайыр, Махатма Ганди, Киев жана Сыдыков көчөлөрүнүн кесилишинде;
- 10:00-14:00 — Дачной көчөсүнүн жана Керченская кууш көчөлөрүнүн кесилиштеринде;
- 12:30-15:30 — Байтик Баатыр, Медеров жана Элебаев көчөлөрүнүн кесилиштеринде;
- 13:00-15:00 — Панфилов жана Бөкөнбаев көчөлөрүнүн кесилиштеринде;
- 13:00-16:00 — Гагарина, Экинчи линия көчөлөрүнүн жана Тынчтык проспектисинин кесилиштеринде;
- 13:00-17:00 — Ак-Өргө (Кайберен көчөсү) жаңы конушу.
