11:11 23 Тогуздун айы 2020
Түз эфир
  • USD80.7429
  • EUR95.6400
  • RUB1.0475
Коом
Кыскача шилтеме алуу
Шайлоо-2020 (252)
1737 0 0

БШКнын мүчөсү Гүлнара Журабаева партияларга дагы эскертүү берүү чарасын сунуштады, бирок колдоо тапкан жок.

БИШКЕК, 24-сен. — Sputnik. Борбордук шайлоо комиссиясы Араванда үгүт маалында чыккан массалык мушташка жооптуу эки талапкерди жарыштан четтетти.

Тагыраак айтканда, "Мекеним Кыргызстан" партиясынан талапкер Илхам Маннанов менен "Биримдик" партиясынан талапкер Шүкүрулло Файзуллаев шайлоого катышуу укугунан ажыратылды.

Бүгүнкү жыйында БШК төрайымынын орун басары Абдыжапар Бекматов окуя болгон күнү эл чогултууга жооптуу болгон талапкерлерди жарыштан четтетүүнү сунуштады.

Ал эми БШКнын мүчөсү Гүлнара Журабаева эки партияга тең эскертүү берип, жооптуу талапкерлерин четтетүү сунушун киргизген. Дагы бир мүчө Кайрат Осмоналиев болсо саясий партияларга эскертүү берүү менен гана чектелүү керек деген пикирин билдирди.

Прокуратура шайлоого карата админресурсту колдонгон 11 фактыны тергеп жатат

Ал эми БШКнын төрайымы Нуржан Шайлдабекова бул жаңжал коомдук коопсуздукка доо кетирип, адамдар жаракат алганын эскертти. Мындан улам аларга көрүлгөн чара башкаларга сабак болушу керектигин белгиледи.

Натыйжада үч сунуш тең добушка коюлуп, талапкерлерди жарыштан четтетмей болушту. Партияларга эскертүү берүү сунушу колдоо тапкан жок.

Белгилей кетсек, Илхам Маннанов учурдагы Жогорку Кеңештин депутаты, Шүкүрулло Файзуллаев жаңжал чыккан Юсупов айыл өкмөтүнүн башчысы.

Аравандагы массалык мушташ

Ош облусунун Араван районунун Юсупов айыл аймагында 20-сентябрь күнү эки партиянын талапкерлери үгүт ишин жүргүзүп жаткан. Милициянын билдиришинче, жаңжал өз ара сөз талашуудан чыккан. Массалык мушташты тутандырган деп 13 адам шектелүүдө. 

Учурда анын төртөө тергөө абагына киргизилип, тогузу ооруканада жатат. Алар милиция тарабынан курчоого алынган.

Бул окуяга байланыштуу Араван райондук милициясынын начальниги Сактан Исмаилов иштен алынган.

Тема:
Шайлоо-2020 (252)

Тема боюнча

Жээнбеков Араванда үгүт учурунда чыккан мушташ боюнча оюн айтты
Эки партиянын тарапкерлери мушташкан Араванга кошумча күч тартылды
Белгилер:
БШК, мушташ, Араван району, Нуржан Шайлдабекова, шайлоо

ЭҢ МААНИЛҮҮ