БИШКЕК, 4-сен. — Sputnik. Кыргызстанда өткөн суткада коронавирустан 252 бейтап айыгып чыкса, 92 киши кайра илдет жуктуруп алды. Бул тууралуу саламаттык сактоо министринин орун басары Нурболот Үсөнбаев брифинг учурунда билдирди.
Бир сутка ичинде COVID-19 илдетинен сакайып чыккандар, пневмонияны эсепке алганда:
- Бишкек шаары — 112;
- Ош шаары — 6;
- Чүй облусу —10;
- Ош облусу — 21;
- Талас облусу — 6;
- Нарын облусу — 6;
- Ысык-Көл облусу — 27;
- Жалал-Абад облусу — 38;
- Баткен облусу — 26.
Бир сутка ичинде коронавирус жуктуруп алган жаңы учурлар:
- Бишкек шаары — 12;
- Ош шаары — 2;
- Чүй облусу — 7;
- Ош облусу — 15;
- Талас облусу — 1;
- Нарын облусу — 6;
- Ысык-Көл облусу — 32;
- Жалал-Абад облусу — 3;
- Баткен облусу — 14.
Ушуну менен жалпысынан өлкөдө коронавирус 44 227 адамдан табылса, аны 39 426 бейтап ооруну жеңген.
Боронов: дарыгерлерди экинчи толкунга чейин эс алдырып алышыбыз керек
Медиктер арасынан бир суткада тогузунан коронавирус аныкталган. Анын бирөө Бишкектен болсо, сегизи Ысык-Көл облусунан. Ошол эле учурда 27 ак халатчан ооруну жеңип, айыгып чыккан.
Азыркы тапта 584 бейтап стационарда, 4 614 үйүндө дарыланып жатканы маалым болду.
