ДССУ Кыргызстанга 100 даана кычкылтек концентраторун берди

© Фото / пресс-служба Минздрава КРДССУ Кыргызстандын Саламаттык сактоо министрлигине 100 даана кычкылтек концентраторун берди
ДССУ Кыргызстандын Саламаттык сактоо министрлигине 100 даана кычкылтек концентраторун берди - Sputnik Кыргызстан
Жазылуу
Мындай колдоо өлкөнүн саламаттык сактоо системасын бекемдеп, коронавирус апаатына каршы аракеттерге кошумча күч берери айтылат.

БИШКЕК, 19-авг. — Sputnik. Дүйнөлүк саламаттык сактоо уюму (ДССУ) коронавируска каршы аракеттердин алкагында бүгүн, 19-августта, Кыргызстандын Саламаттык сактоо министрлигине 100 даана кычкылтек концентраторун берди. Бул тууралуу министрликтин маалымат кызматы кабарлады.

ДССУ тарабынан берилген жардамдын жалпы наркы 59 000 доллар турат.

Кычкылтек концентраторлору респиратордук жугуштуу ооруларды дарылоо үчүн өтө маанилүү. Аппарат COVID-19 менен ооруп, канында кычкылтектин деңгээли төмөндөп кеткен сыркоолорго керектүү деңгээлде таза, сапаттуу кычкылтек жеткирет.

Бул каражаттар коронавируска каршы аракеттерди күчөтүү максатында Кыргыз өкмөтүнүн өтүнүчү менен берилүүдө. Министрлик кычкылтек концентраторлорун аймактарга бөлүүнү пландаштырып жатат.

Пандемияда Кыргызстанга 11 өлкө, 65 уюм кол сунду. Гумжардамдардын тизмеси

"Бул гуманитардык жардам COVID-19 менен күрөшүүнүн бир бөлүгү жана илдеттин өлкөдөгү саламаттык сактоо системасына тийгизген таасирин жеңилдетүү болуп саналат. Мындай колдоо саламаттык сактоо системасын бекемдеп, коронавирус апаатына каршы биргелешкен аракетибизге кошумча күч берет", — деди ДСУУнун Кыргызстандагы өкүлү Назира Артыкова.

Саламаттык сактоо министринин орун басары Мадамин Каратаев мындай жардам үчүн ДССУ уюумуна ыраазычылык билдирип, элдин ден соолугуна кам көргөн аракеттер жемиштүү улантыларына үмүт артты.

Пандемия башталгандан бери ДССУ Кыргызстанга коргонуу каражаттарын, коронавируска каршы аракеттерди көрүү жана оорунун анык экенин билүү үчүн ПЦР-тесттердин аппараттарын берген. ДССУ ошондой эле COVID-19га каршы аракеттерди көрүү үчүн тийиштүү адистерге онлайн-окутууларды уюштуруп, Саламаттык сактоо министрлигине колдоо көрсөтүп келет.

Жаңылыктар түрмөгү
0