11:11 06 Кулжа 2020
Түз эфир
  • USD74.2343
  • EUR84.1186
  • RUB1.0816
Коом
Кыскача шилтеме алуу
225 0 0

Профессор чымын менен күрөшүүчү эң натыйжалуу ыкма тазалык менен санитария экенин белгилеп, бүгүнкү күндө зыяндуу курт-кумурскалар менен күрөшүү үчүн бир катар эффективдүү каражаттар бар экенин эскертти.

БИШКЕК, 18-май — Sputnik. Чымындардын эң эле зыяндуусу — үй ичинде учуп жүргөндөрү. Бул тууралуу Sputnik радиосуна Роспотребнадзордун Дезинфектология институтунун лаборатория жетекчиси, биология илимдеринин доктору, профессор Светлана Рославцева айтып берди.

Анын айтымында, чымындын тумшугунда, шилекейинде жана ичеги-карынында дарт козгогучтар сакталып жүрүшү мүмкүн.

"Биринчиден, чымындар ичеги-карын инфекцияларын, өзгөчө холера оорусун таратуучу болуп саналат. Андан тышкары, сальмонеллез жана башка вирустарды таратат. Бирок мунун коронавируска тиешеси жок. Аденовирусту, көздүн ар кандай вирустук илдеттерин, гельминттин личинкаларын алып жүрөт", — деди Рославцева.

Профессор чымын менен күрөшүүчү эң натыйжалуу ыкма тазалык менен санитария экенин белгиледи.

"Биз биринчи кезекте тамак-аш калдыгын төккөн жерлерди тазалоону эскертебиз. Анткени чымындар дал ушул жерде көбөйөт. Личинкаларды жок кылуу үчүн чиринди үйүлгөн жерди да тазалаш керек. Инсектициддердин арасынан хлорофосту сунуштайбыз", — деди адис.

Рославцева бүгүнкү күндө зыяндуу курт-кумурскалар менен күрөшүү үчүн бир катар эффективдүү каражаттар бар экенин эскертти.

Тема боюнча

Коронавирустун жаңы белгилери байкалды
Микробиолог: COVID-19 акча аркылуу дагы жугат
Белгилер:
дарт, вирус, гигиена, таштанды, тазалык, чымын-чиркей

ЭҢ МААНИЛҮҮ