04:31 04 Кулжа 2020
Түз эфир
  • USD73.4726
  • EUR82.3665
  • RUB1.0751
Коом
Кыскача шилтеме алуу
Кыргызстандагы коронавирус жуктуруп алгандар (896)
198 0 0

Кечээ Нарын шаарында 15 кишиден COVID-19 аныкталып, бирөө медицина кызматкери болсо, сегизи жаңы төрөгөн аялдар болуп чыккан.

БИШКЕК, 15-май — Sputnik. Нарындагы төрөт үйдө көз жарган аялдардан вирус чыккан окуяны иликтөө үчүн комиссия иштеп жатат. Бул тууралуу брифингде саламаттык сактоо министринин орун басары Нурболот Үсөнбаев билдирди.

Анын айтымында, комиссиянын башында саламаттык сактоо министринин дагы бир орун басары Мадамин Каратаев менен Коомдук саламаттык сактоо башкармалыгынын башчысы Айнура Акматова турат. Алар учурда Нарында.

"Азыр Нарын облусунда эмне болуп жатат деген суроолор көп болууда, анын ичинде төрөт бөлүмдөрү бар. Акыркы күндөрү эпидемиологиялык абал жакшы эмес. Учурда төрөт бөлүмдөрүнө вирус кантип кирип, кантип тараганы боюнча маселени комиссия иликтеп жатат. Себептери аныкталгандан кийин тиешелүү чечимдер кабыл алынат", — деди Үсөнбаев.

Эске сала кетсек, кечээ, 14-майда, Нарын шаарында 15 кишиден COVID-19 аныкталып, бирөө медицина кызматкери болсо, сегизи жаңы төрөгөн аялдар болуп чыккан. Ошондой эле коронавирус менен күрөшүү үчүн Бишкектен Нарынга медиктердин тогузунчу тобу жөнөп кеткен.

Нарын облусунда жалпысынан 163 киши вирус жуктуруп, бир киши каза болду.

Коронавирустун кесепети

Кыргызстанда коронавируска кабылгандардын саны 1111ге жетип, анын ичинен 745и айыгып чыкты. Тилекке каршы, 14 бейтап каза болуп калды.

11-майдан тарта айрым аймактардагы өзгөчө абал режими алынып, ал эми өлкө боюнча киргизилген өзгөчө кырдаалдын мөөнөтү узартылды. Бишкек, Ош шаарларында, Ат-Башы районунда жана Чаткал районунун Каныш-Кыя айыл аймагына карантин жарыяланды. Бул жергиликтүү бийликке кырдаалга жараша чектөөлөрдү киргизүүгө укук берет.

Өлкөдө учурда абал кандай болуп жатканын Sputnik Кыргызстан агенттиги жүргүзгөн тексттик трансляциядан билүүгө болот.

Кабарларды ыкчам, ыңгайлуу шартта окуу үчүн Telegram-каналыбызга баш багыңыз.

Тема:
Кыргызстандагы коронавирус жуктуруп алгандар (896)

Тема боюнча

COVID-19 инфекциясын дагы 10 киши жеңип чыкты
Көбү Нарында. Кыргызстанда бүгүн 29 кишиден коронавирус чыкты
Күзгө чейин Кыргызстандын ар бир облусуна ПЦР-лабораториялар курулат
Белгилер:
иликтөө, комиссия, Төрөт үйү, коронавирус, Нарын

ЭҢ МААНИЛҮҮ