COVID-19 боюнча Кыргызстандагы абал: тексттик баяндама, сүрөт жана видео

Ишеним телефондору:
  

Нарын шаардык ИИБи
03522 5-70-22
03522 5-09-20
Вотсап 0701 93-21-02

Нарын шаардык мэриясы
0704 19-23-10
0705 50-14-45
0555 50-14-45
03522 5-14-45

Ат-Башы району
0702 30-47-15
03522 42-37-39

Эртең Ат-Башы районунун айылдарын дельталёт менен учуп дезинфекциялашат. Бул туурасында өкмөттүн Нарын облусундагы өкүлү Эмилбек Алымкулов маалымат жыйын учурунда билдирди.

Анын айтымында, учурда облустун бардык айылдарында дезинфекциялоо иштери жүргүзүлүп жатат.

“Биз дельталёт, дрондорду алуу боюнча Айыл чарба министрлиги менен сүйлөштүк. Буюрса эртең алып келинет. Аны менен Ат-Башынын бардык айылдарынын үстүнөн учуп дезинфекциялайбыз”, — деди облус жетекчиси.

Ансыз да үйдөн чыкпай кысылып жаткан баланы ур-токмок менен сабак окутуу туура эмес. Бул туурасында Ош шаарынын жана Ноокат, Кара-Суу райондорунун коменданты Малик Нурдинов маалымат жыйын учурунда билдирди.

Комендант балдарына бир тапшырманы аткартуу үчүн артынан түшүп урушуп, кээде ата-энелик укугунан аша чаап кеткен учурлар интернет булактарына чыгып жатканын эскертти.

“Бул зээнди кейитет, ата-эне мындай болбошу керек. Ал сиздин урпагыңыз, балким ошол сиз урушуп жаткан баладан эртең Ибн Сина, Гиппократ же дүйнөнү дүңгүрөткөн, Кыргызстандын желеген желбиреткен бир инсан чыгышы мүмкүн. Окуй албай жатса башынан сылап коюңуздар. Ал бала деле үйдө отура берип сыгылышы мүмкүн. Ур-токмок менен баланы тарбиялабайт. Бала — өзүбүздүн келечек. Башка бирөө баласын бербейт бизге. Кийинки мурасыбызга сабак окутууда өтө аяр мамиле кылсак демекчимин”, — деди комендант.

 Транзиттик жүк ташуу борборунун аймагында жайгашкан 2 кабаттуу 6 корпустуу имараттын конструкциялык жана жалпы пландык структурасы өзгөртүүсүз калтырылып, кайрадан ылайыктап куруу каралган. Жыйынтыгында ар бир бөлмөдө санитардык түйүндөр унитаз, жуунгуч, душ кабиналары каралган, 700 адамга (медициналык персонал менен) ылайыкташтырылат. Обсервацияга алынган жарандарыбызга жана ал жерде кызмат кыла тургандарга толук шарттар түзүлмөкчү.

Учурда курулуш иштерине 250 жумушчу тартылып, күнү-түнү иш жүрүп жатат.

Маалыматты ӨКМден билдиришти.

Саламаттыкты сактоо министринин орун басары Нурболот Үсөнбаев жеке лабораторияларда ПЦР-тест тапшыруунун баасы 2 миң сомдон жогору болорун айтты.

"Мындай анализ тапшыруу бүгүн-эртең башталат. Жеке менчик ири лабораториялардын бири мамлекеттик лабораториянын базасында иштөөгө киришти. Бир анализ алууга кетчү чыгым 2 миң сомдон бир аз жогору болот”, — деди Үсөнбаев онлайн-маалымат жыйында. 

“Бишкекте элдин аз санда чыгып калганы байкалды. Ошентсе да, парктарда, скверлерде жаш балдар менен ата-энелердин жүргөнү байкалат. Кимде-ким көчөдө велосипед менен жүрүп, карантиндин талаптарын аткарбай жана сантитардык норманы сактабаса, велосипеди убактылуу алып коюлат”, - деди Бишкек шаарынын коменданты Алмазбек Орозалиев онайлн-брифинг учурунда.

Үсөнбаев: Чуй облусунан бир аял -  70 жашта, Ош шаарынан бир эркек киши - 79 жашта. Алар дарыгерлерге кеч кайрылган.  Жалпысынан республикада коронавирустан 7 адам каза болду.

 
Жалал-Абад облусу – 105

Ош облусу – 147

Ош ш. – 87

Чүй облусунда – 32

Бишкек ш. – 115

 Баткен облусунда – 6

Нарын облусу – 68

Ысык-Көл облусунда – 8

Аларды 39у -  дарыгер

38и -  орто медкызматкер 

23ү  - кенже мед кызматкер

Андан сырткары IT адиси, ашканада жана админстративдик чарбада иштеген кызматкерлер бар. 

Үсөнбаев: Кытайдан келе турган медиктер лабораториялык иштерге, анализдерди аныктоого катышып, андан сырткары дарыгерлерди аралыктан окутат. 

Үсөнбаев: бүгүн саат 9дан тарта Республикалык клиникалык жугуштуу ооруканасында жаткандарды дарылоого жардам берип, биздин медиктерге көмөктөшөт. Аэми 24-апрелден тарта Ош менен Жалал-Абадга учуп, ал жерден ишин улантат.

 Бишкек ш. – 4
Чүй облусу – 2
Ош ш. – 4
Жалал-Абад облусу - 3
Нарын облусу – 1

Коменданттык сааттын талаптарын бузгандар төмөнкү жерлерде катталды:

Бишкек шаарында — 66;
Жалал-Абад шаарында — 4;
Ош шаарында — 3;
Сузак районунда — 2;
Ноокат району — 1;
Нарын шаары — 4;
Ат-Башы районуну — 1.
Ал эми Кара-Суу районунда тартип бузуулар катталган жок.

Жалпысынан Кыргызстанга өзгөчө абал киргизилгенден, тагыраагы, 25-марттан тарта коменданттык саат эрежесин бузган 2970 адам кармалды.

Медицина кызматкерлеринин иш-аракетин колдоо үчүн ресурс киргизилгенин Республикалык штаб билдирди.

Ага ылайык, медиктер аталган штабда жеке каралуучу билдирмелерди med.tunduk.kg ресурсу аркылуу керектүү формада толтурушат.

"Ресурс менен медицина кызматкерлери саламаттык сактоо уюмдарын камсыз кылуучу керектүү каражаттарга, жеке коргонуу каражаттарына, медициналык жабдууларга жана дары-дармектерге байланышкан билдирүүнү жөнөтө алат. Ошондой эле Республикалык штабга жумушундагы көйгөйлөрү жана кыйынчылыктар (өткөрмө кагаздары, тамак-аш менен камсыз кылуу, эмгек акысын төлөө жана башка) боюнча айта алышат", — деп айтылат маалыматта.