БИШКЕК, 20-апр. – Sputnik. Стратегиялык демилгелер агенттиги мигранттардын укугун убактылуу Россиянын жарандарыныкы менен теңеп турууну сунуштады. Бул тууралуу РИА Новости жазды.
“Коронавирус менен күрөшүүдө мигранттар жумушсуз калышты. Эгер аларга убактылуу негизде өлкө жарандарыныкындай укуктар берилсе, жумушсуздук боюнча жөлөк пул төлөнүп жана башка жеңилдиктер каралмак”, — дешти агенттиктен.
Бирок документте мигранттардын конкреттүү категориялары көрсөтүлгөн эмес. Анда Португалия мисал катары келтирилген. Аталган өлкө 580 миң мигранттын укугун убактылуу негизде өлкө жарандарыныкы менен теңеген.
Белгилей кетсек, акыркы маалыматтар боюнча, Россияда вирус жуктургандардын саны 42 853кө жетти. Алардын ичинен 3291и сакайып кетсе, 361и көз жумду.
