12:40 27 Бугу 2020
Түз эфир
  • USD74.0750
  • EUR81.1788
  • RUB1.0412
Коом
Кыскача шилтеме алуу
Коронавируска байланыштуу Кыргызстандагы кырдаал (1424)
209 0 0

Бишкектик дарыгерлер Жалал-Абад облусунда коронавирусту жуктуруп алгандарды дарылап, бир нече күндөн бери тынымсыз иштеп жаткан доктурларды убактылуу алмаштыруу максатын көздөгөн.

БИШКЕК, 25-мар. — Sputnik. Бишкектен Жалал-Абадга атайын бригада учуп кетти. Топ ыктыярдуу дарыгерлерден, эпидемиологдордон турат. Бул тууралуу Коомдук саламаттык сактоо башкармалыгынын башчысы Айнура Акматова маалымат жыйында билдирди.

Дарыгерлердин Жалал-Абад облусунда коронавирусту жуктуруп алгандарды дарылап, бир нече күндөн бери тынымсыз иштеп жаткан ак халатчандарды убактылуу алмаштыруу максатын көздөгөнү айтылды.

"Жалал-Абадда вируска кабылгандарды карап жаткан медициналык кызматкерлерди алмаштырганга жана жардам бергенге Бишкектен реаниматолог, инфекционисттерден турган алгачкы бригада чыгып кетти. Бул дарыгерлер убагында эс алып, натыйжалуу иштеши үчүн уюштурулган аракет болуп эсептелет. Баары коргоочу костюм жана башка керектүү каражаттар менен камсыздалган", — деди Акматова.

Бүгүнкү күндө Кыргызстан боюнча Ош облусунда 20, Жалал-Абад облусунда 19, Бишкек шаарында үч, Чүй облусунда бир жана Баткен облусунда бир адам коронавируска чалдыгып, жалпы жонунан 44 киши ооруканада жатат.

Коронавирус Кыргызстанда

Учурда Кыргызстанда коронавирус жуктуруп алган адамдардын саны 44кө жетти. Алардын арасында бир жашка чейинки бир ымыркай, 6 жаштагы бир жеткинчек жана 14 жаштагы өспүрүм бар. Ал эми Сузактын 71 жаштагы тургуну жандандыруу бөлүмүндө жатат.

25-мартта обсервацияда жаткан 2014 адамдын 1429у мөөнөтүнөн мурда үй карантинине чыгарылды.

Бишкек, Ош, Жалал-Абад шаарлары жана Ноокат, Кара-Суу, Сузак райондоруна 15-апрелге чейин өзгөчө абал киргизилген.

Учурда өлкө аймагындагы кырдаал тууралуу Sputnik Кыргызстандын тексттик баяндамасынан кабардар болуп туруңуз.

Тема:
Коронавируска байланыштуу Кыргызстандагы кырдаал (1424)

Тема боюнча

Кыргызстанда коронавирус жуктурган 44 кишинин учурдагы абалы айтылды
Жымжырттык өкүм сүргөн Бишкектин асмандан тартылган видеосу
Көчөгө чыгып келгенден кийин сөзсүз аткара турчу 8 эреже
Белгилер:
ыктыярчылар, дарыгер, коронавирус, Жалал-Абад облусу, Кыргызстан

ЭҢ МААНИЛҮҮ