18:45 27 Бугу 2020
Түз эфир
  • USD73.4900
  • EUR80.5230
  • RUB1.0341
Коом
Кыскача шилтеме алуу
Кыргызстандагы коронавирус жуктуруп алгандар (849)
546 0 0

Кыргызстанда коронавирус жуктурган үч учур катталды. Жарандардын бардыгы Жалал-Абад облусуна караштуу Сузак районунун тургундары. Алар Сауд Аравиядан кичи ажылыктан келишкен.

БИШКЕК, 18-мар. — Sputnik. Жалал-Абад облусундагы Благовещенка, Орто-Азия жана Бостон айылдарына 19 пост коюлду. Бул тууралуу Жалал-Абад облустук милициясынын башчысы Кылыч Жолдошов билдирди.

Анын айтымында, райондогу үч айылга коюлган постто күнү-түнү кызматкерлер иш алып барышат. Аталган аймакта жалпысынан 10 миңге жакын адам жашайт. Бул айылдарга азырынча сырттан келгендердин кирүүсүнө тыюу салынып, тургундардын сыртка чыгуусуна да чектөө киргизилди. Жарандарга түшүндүрүү иштери жүргүзүлүп жатканы маалым.

Мындан тышкары, Жалал-Абад облусуна коронавируска шектүүлөрдөн анализ алуу үчүн мобилдүү лаборатория жибериле турганын Республикалык өзгөчө коркунучтуу жугуштуу оорулар жана карантин борборунун директору Сабыржан Абдукеримов билдирди.

Маалыматка ылайык, мобилдүү лабораторияда анализ алынып, андан соң материал борборго жөнөтүлөт.

"Мобилдүү лаборатория бир күн ичинде 100 адамды кабыл алууга мүмкүнчүлүгү бар. Өлкөдө жалпы үч мобилдүү лаборатория болсо, анын бири Ош шаарына берилген", — деди Абдукеримов.

Буга чейин Дүйнөлүк саламаттыкты сактоо уюмунун (ДССУ) Кыргызстандагы өкүлчүлүгүнүн кызматкери Назира Артыкова өлкөдө вирусту аныктоо боюнча беш лаборатория иштеп жатканын айткан. Алардын экөө Бишкекте, бирөө Ошто. Калганы анализдерди ташуу татаал болгон жерлерге жөнөтүлөрүн белгилеген.

Эске салсак, Кыргызстанда коронавирус жуктурган үч учур катталды. Жарандардын бардыгы Жалал-Абад облусуна караштуу Сузак районунун тургундары. Алар Сауд Аравиядан кичи ажылыктан келген. Азыр алар Жалал-Абад облустук ооруканасынын жугуштуу илдеттер бөлүмүндө.

Кыргызстанда учурда коронавируска байланыштуу абал кандай болуп жатканын Sputnik Кыргызстан агенттигинин жана Телеграм-каналдан окуй аласыздар.

Тема:
Кыргызстандагы коронавирус жуктуруп алгандар (849)

Тема боюнча

Кийимди алмаштыр, бетти кармалаба. Коронавирустан сактануу жолдору
Ош: коронавирус жуктургандар менен бирге келген 64 киши ооруканага жаткырылды
КРдин коронавирусту аныктоочу тест-система муктаждыгын Россия жаап берди
Белгилер:
анализ, лаборатория, Жалал-Абад облусу, коронавирус, Кыргызстан

ЭҢ МААНИЛҮҮ