БИШКЕК, 21-сен. — Sputnik. Нур-Султан шаарында өткөн дүйнө чемпионатында биринчи жолу алтын байге утуп алган балбан кыз Айсулуу Тыныбекованы эл аралык "Манас" аба майданынан мекендештери тосуп алышты.
Тоскондордун арасында президенттик аппараттын жетекчиси Досалы Эсеналиев, вице-премьер Замирбек Аскаров, Жаштар иши, дене тарбия жана спорт боюнча агенттиктин жетекчисинин орун басары Мирлан Парханов жана коомдук ишмер Айгүл Рыскулова болду.
Аэропорттун сыртында Айсулуунун келишине арналган ак лимузин күтүп турду.
Эске салсак, 20-сентябрда Айсулуу Тыныбекова Токио шаарында өтө турган Олимпиадага жолдомо алып, дүйнө чемпиону болгон.
Спортчуну жеңиши менен президент Сооронбай Жээнбеков куттуктап, анын жеңиши жалпы кыргыз элинин сыймыгы экенин белгилеген.
