Өзүмдү күнөөлүү сезип турам. Жоголгон Асрандиев биринчи постун жазды

© Sputnik / Табылды КадырбековОрус-кыргыз өнүктүрүү фондусунун башчысы Эркин Асрандиев. Архив
Орус-кыргыз өнүктүрүү фондусунун башчысы Эркин Асрандиев. Архив - Sputnik Кыргызстан
Жазылуу
Кечээ Эркин Асрандиев Ысык-Көлдө сүзүп баратып жоголуп кеткен. Аны куткаруу үчүн эки теплоход жана 16 куткаруучу тартылган. Түнкү экилерде ал жээкке өзү сүзүп келгени белгилүү болгон.

БИШКЕК, 1-сен. — Sputnik. Орус-кыргыз өнүктүрүү фондусунун башчысы Эркин Асрандиев Facebook баракчасына сууда сүзүп баратып жоголуп кеткен окуясынан кийинки биринчи постун жазды.

Орус-кыргыз өнүктүрүү фондусунун башчысы Эркин Асрандиев. Архив - Sputnik Кыргызстан
Орус-кыргыз өнүктүрүү фондусунун башчысы кантип жоголуп кеткенин айтып берди
Белгилей кетсек, Асрандиевдин тууганы 31-августта саат 18:00дөр чамасында көлдө эки метрге жеткен толкун болгондон кийин аны таппай калышканын айткан. Эркин Асрандиев Чырпыкты айылынан Кара-Талааны көздөй сүзүп баратып Тору-Айгыр айылына келгенде жоголуп кеткен. Башкача айтканда, ал Ысык-Көлдүн түндүгүнөн түштүк тарабына сүзүп өтүүгө белсенген. Аны издөөгө бардык күчтөр тартылып, өкмөт башчы окуя жеке көзөмөлүндө экенин билдирген.

Болжолу менен саат 02:00дө ал жээкке чейин сүзүп келгендиги белгилүү болгон. Ал Sputnik агенттигинин кабарчысына эмне болуп жоголуп кеткендигин айтып берген.

Асрандиев колдоо көрсөткөндөргө ыраазычылык билдирип, өзү жана командасы аман-соо экендигин белгилеген.

Ал сүзүп өтүүдө тажрыйбасы жетиштүү экендигин айтып, коштоочулар менен керектүү каражаттардын бардыгын (кайык, куткаруу жилеттерин, буйларды, колчырак жана тамак-аш) алганын билдирген.

"Бирок биз аба ырайы өзгөрүп кетерин билген жокпуз. Белгиленген жердин ортосуна жетип калганда, саат 17:30да катуу шамал башталып, 2-3 метрлик толкун болду. Биз бири-бирибизди таппай калдык. Кайык оодарылып кетиптир. Экинчи кайык кошумча тамак-аш алып келүү үчүн жарым саат мурда эле жээкке сүзүп кеткен. Бирок жээктен эки жолу оодарылып келе албай койгон. Кудайга шүгүр, бардыгы жакшы аяктады", — деди Асрандиев.

Анын айтымында, коштоп жүргөн баланы алты сааттан кийин табышкан. Өзү жээкке чейин жети саат сүзүп, андан кийин куткаруучулар алып кеткен.

"Элди сарсанаа кылып, убара тарттырганым үчүн жан дүйнөмдө өзүмдү күнөөлүү сезип турам. Колдооңуздар жана жылуу сөздөр үчүн рахмат. Жараткан бардыгыңыздарды сактасын", — деди ал.

Асрандиевди издөө иши тууралуу кененирээк Sputnik агенттигинин тексттик трансляциясынан окуй аласыздар.

Кызыктуу жана маанилүү жаңылыктарды алгачкылардан болуп билгиңиз келеби?
Биздин Telegram-каналга жазылыңыз.
Виджет news
Жаңылыктар түрмөгү
0