15:21 14 Тогуздун айы 2019
Түз эфир
  • USD69.8106
  • EUR76.8580
  • RUB1.0870
Иса Ахунбаев атындагы Кыргыз мамлекеттик медициналык академиясы. Архив

Медакадемиянын оңдоп берген дипломунан кайра ката чыкты. Сүрөт

© Sputnik / Табылды Кадырбеков
Коом
Кыскача шилтеме алуу
1456 0 0

Эки ирет ката жазылган диплом тапшырган КММАнын окуу бөлүмүнүн проректору "флешканы басмаканага бергенде тамгалар алмашып калууда" деди.

БИШКЕК, 23-июл. — Sputnik. Иса Ахунбаев атындагы Кыргыз мамлекеттик медициналык академиясынын (КММА) оңдоп берген дипломдорунан кайра ката чыкты. Бул туурасында Sputnik Кыргызстан агенттигине окуу жайдын бүтүрүүчүлөрүнүн бири кабарлады.

Анын айтымында, "легализациялоо" деген сөздү "легализациАялоо" деп ката жазып коюшкан. Ал эми предметтердин аталышын кыргызча жазууда "Чоңдордун курч респиратордук дистресс-синдрому" "Курч респиратордук дистресс - чоңдордун синдрому" деп жазылып калган.

Ошибка в дипломе выпускника Кыргызской государственной медицинской академии
© фото очевидца, отправленное по WhatsApp-каналу
Дипломдо "легализациялоо" деген сөздү "легализациАялоо" деп ката жазып коюшкан.

Буга чейин ушул эле дипломдордон "окууга кирди" деген сөз "окуугу кирди" деп ката жазылып, бүтүрүүчүлөр документти кайра тапшырышкан болчу.

Ошибка в дипломе выпускника Кыргызской государственной медицинской академии
© фото очевидца, отправленное по WhatsApp-каналу
Предметтердин аталышынын кыргызчасында "Чоңдордун курч респиратордук дистресс-синдрому" дегендин ордуна "Курч респиратордук дистресс - чоңдордун синдрому" деп жазылып калган.

"Бүгүн дипломумдун оңдолгондон кийинки вариантын алдым. Айтсам ишенбейсиздер, мында да ката бар экен. Эми эмне кылам, билбейм. Бул — шермендечилик, уят! Канчадан бери бир дипломду тууралап бере алышпайт", — деп нааразы болду бүтүрүүчүлөрдүн бири.

КММАнын окуу бөлүмүнүн проректору Эркин Алымбаев муну техникалык мүчүлүштүк деп сыпаттады. Дипломдорду "Учкун" мамлекеттик ишканасы басып чыгарган.

"Басмаканага флешканы берип жатканда тамгалар алмашып кетүүдө. Азыр ар бир бала арыз жазып жатат, бат эле алмаштырып беребиз. Биринчи барактагы "Легализация" менен "окууга" деген катаны оңдогонбуз. Эми экинчи барактан предметтин аттарынан ката кетүүдө. Шарт боюнча тендерге мамлекеттик ишканалар катышышы керек. "Учкун" басмаканасы уткан, алардын тажрыйбасы жок экен. Мурда жеке басмаканаларда мындай көйгөй болгон эмес. Анын үстүнө өзүбүз да шашып калдык. Макетти Билим берүү жана илим министрлиги бекитип берет", — деди проректор.

Ал эми билим берүү жана илим министринин орун басары Кудайберди Кожобеков "Эмнеге мындай мүчүлүштүктөргө жол берилип жатат?" деген суроодон буйтап өтүп, дипломдор убагында алмаштырылып жатканына көбүрөөк токтолду.

"Бүгүн жогорку окуу жайдын жетекчилеринин баарын чогултуп ушул боюнча жыйын өттүк. Бул жалпылап карай турган маселе болуп жатат. Кысталышта калбаш үчүн тендерди эрте баштоо, басмакананы туура тандоо сыяктуу комплекстүү чечим кабыл алынды. Эми баарын убагында жасоо механизмин иштеп чыгабыз", — деди Кожобеков.

Эскерте кетсек, буга чейин мектеп бүтүрүүчүлөрүнө ката жазылган 95 миң аттестат тапшырылганы ачыкталып, кылмыш иши козголгон.

Тема боюнча

Аттестатты ката менен баскандардын кандай жаза алгандыгы айтылды
Эми дипломдордон ката чыгууда. Буга ким күнөөлүү?
Белгилер:
ЖОЖ, Билим берүү министрлиги, ката, диплом, Кыргыз мамлекеттик медициналык академиясы, Бишкек

ЭҢ МААНИЛҮҮ