Эми дипломдордон ката чыгууда. Буга ким күнөөлүү?

© SputnikДиплом выпускника ВУЗа КР
Диплом выпускника ВУЗа КР - Sputnik Кыргызстан
Жазылуу
Медакадемиянын бүтүрүүчүлөрү 600дөй диплом ката менен берилгенин айтышууда.

БИШКЕК, 20-июл. — Sputnik. Иса Ахунбаев атындагы медициналык академиянын бүтүрүүчүлөрүнө ката жазылган дипломдор берилди. Бул туурасында Sputnik Кыргызстан агенттигине бүтүрүүчүлөрдүн бири кабарлап, сүрөтүн жөнөттү.

Анда "окууга кирди" деген сөз "окуугу кирди" деп жазылып калган. Эми аны кайра башынан алмаштырууга мажбур болушууда. Антпесе диплом жараксыз болуп калат. 

© фото очевидца, отправленное по WhatsApp-каналуИса Ахунбаев атындагы медициналык академиянын бүтүрүүчүлөрүнө ката жазылган дипломдор берилди.
Эми дипломдордон ката чыгууда. Буга ким күнөөлүү? - Sputnik Кыргызстан
Иса Ахунбаев атындагы медициналык академиянын бүтүрүүчүлөрүнө ката жазылган дипломдор берилди.

"Мен Түркияга кетишим керек эле. Дипломду аларым менен дароо котормо агенттигине бергем. Анан эле группанын башчысы диплом ката жазылып калганын байкап, "кайра чогулткула, оңдоп беришет экен" деди. Көбү чет өлкөгө кетип жаткан. Алар да мага окшоп акчасы күйүп, убакыттан уттурууда. Мисалы, мен дипломду которуу үчүн 4800 сом бергем. Эми оңдолгондон кийин дагы котортушум керек. Бул деген шермендечилик да. Кантип бир дипломду туура жазып бере алышпайт!", — деп бүтүрүүчү ызаланды.

Ал ошондой эле Медакадемия дипломдорду 3-4 күндүн ичинде алмаштырууну убадалап жатканын айтат. Бирок бул мүмкүн эмес деген ойдо, анткени 600 бүтүрүүчүнүн дипломун оңдоого эки жумадай убакыт кетерин болжоп жатат.

Аттестат о среднем общем образовании выпускника школы Кыргызстана - Sputnik Кыргызстан
Абийири кеткен аттестат. Эми Кочкордо берилген документтен ката табылды
Бул боюнча Медициналык академиянын маалымат кызматы жооп берип, ката басмаканадан кеткенин билдирди. Оңдолгон варианттагы дипломдор 18-июлдан тарта бериле баштаган.

"Дарылоо" жана "Педиатрия" факультеттеринин бүтүрүүчүлөрүнүн дипломунда ката кетип калган. Келишим боюнча дипломдун макетин "Учкун" басмаканасы даярдайт. Биз бүтүрүүчүлөрдүн аты-жөнүн гана текшергенбиз. Негизи студенттер окууну 30-июнда бүтүшкөн, дипломдор бир айдын ичинде берилиши керек. Биз 12-июлдан тарта тапшырып баштаганбыз. Бүгүнкү күндө ката дипломдор да оңдолуп бүтүп кайрадан берилүүдө. Өз убактысынан кечиккен жок", — деп окуу жайдын маалымат кызматы билдирди.

Эскерте кетсек, буга чейин мектеп бүтүрүүчүлөрүнө ката жазылган 95 миң аттестат тапшырылганы ачыкталган. Бул боюнча кылмыш иши козголгон.

Виджет news
Жаңылыктар түрмөгү
0