20:53 04 Баш оона 2020
Түз эфир
  • USD76.9120
  • EUR90.7023
  • RUB1.0481
Коом
Кыскача шилтеме алуу
Темир Жумакадыров каза болгон жол кырсыгы (33)
315710

Вице-премьер Темир Жумакадыровдун сөөгү Бишкек шаарындагы"Ала-Арча" көрүстөнүнө коюлду.

БИШКЕК, 9-окт. — Sputnik. Президент Алмазбек Атамбаев жол кырсыкка кабылып каза тапкан Темир Жумакадыровду акыркы сапарга узатып жатып, көзүнө жаш алып сүйлөп, бир жарк эткен жылдыз болгондугун айтты.

2017-жылы 7-октябрда Москва районунун Садовое айылында вице-премьер Темир Жумакадыров кетип бараткан жол тандабас жүк ташуучу автоунаа менен кагышкан. Жумакадыров жол кырсыгы болгон жерден каза болгон. Аны менен чогуу жардамчысы жана айдоочу дагы мерт кеткен.

Атамбаев Жумакадыровдун келечегин чоң ишенимдер менен байланыштырганын айтты.

"Темир Жумакадыров коррупция, күч түзүмдөрүн реформалоо үчүн көп иштерди жасады. Жаш болсо да акылман эле. Мен аны менен кеңешчүмүн. Вице-премьерлик кызматка жөнөтүп жатып, буюрса кийинки президенттердин бири сен болосуң, өкмөттүн иштеп жатканын бир көр дегем. Темир жарк этип жанып, кайра өчкөн жылдыз сымал болду. Аны кара булуттар каптап кетти. Ал биздин жүрөгүбүздө кала бермекчи. Ал из калтырып кетти", — деди Атамбаев.

Президент бул сөздөрдү айтып жатып, ыйлап жиберди.

Вице-премьер Темир Жумакадыровдун сөөгү Бишкек шаарындагы "Ала-Арча" көрүстөнүнө коюлду.

Тема:
Темир Жумакадыров каза болгон жол кырсыгы (33)

Тема боюнча

Вице-премьер Темир Жумакадыров менен коштошуу зыйнаты. Түз алып берүү аяктады
Эртең Жумакадыров менен коштошуу зыйнатында Бишкектин айрым көчөлөрү жабылат. Карта
Жумакадыров кабылган жол кырсыгы: КамАЗдын айдоочусу эки айга камакка алынды
Белгилер:
ишеним, өлүм, Темир Жумакадыров, Алмазбек Атамбаев, Ала-Арча көрүстөнү

ЭҢ МААНИЛҮҮ