БИШКЕК, 9-май — Sputnik. Бишкек шаарындагы "Май вальсын" дээрлик миңге жакын жуп ардагерлерге жана "Өлбөс полктун" катышуучулары үчүн бийлеп беришти.
15 жогорку окуу жайдын студенттери Жеңиш күнүнө карата ушундай белек даярдашкан. Композицияны Кыргыз Улуттук консерваториясынын студенти Тимур Кожобеков аткарган.
Бул иш-чараны "Евразиялыктар — жаңы толкун" фонду, Билим берүү министрлиги жана Бишкек мэриясы биргеликте уюштурган.
Аталган фонддун директор орун басары Денис Бердаковдун айтымында, бул бий "Өлбөс полк" жөө жүрүшүнүн жыйынтыктоочу бөлүгү болгон.
"Бул эл аралык акция Бишкекте үчүнчү жолу өтүп жатат. Ал согуш алааматын баштан кечирген мамлекеттердин жаш муундарын жана өлкөнүн келечегин көрсөтүп турат", — деди Бердаков.
Түрдүү эсептөөлөр боюнча "Өлбөс полк" жөө жүрүшүнө бүгүн 35-50 миңге чейин киши чыккан.
