21:38 20 Бирдин айы 2018
Түз эфир
Азимжан Аскаровдун архивдик сүрөтү

ЖАМК: Азимжан Аскаров ачкачылыгын токтотту

© Sputnik / Табылды Кадырбеков
Коом
Кыскача шилтеме алуу
БУУ комитети Кыргызстанды Азимжан Аскаровду бошотууга чакырды (42)
69820

Чүй облустук соту Аскаровду өмүр бою абакта калтыруу чечимин күчүндө калтыргандан кийин ал ачкачылык жарыялаган болчу.

БИШКЕК, 30-янв. — Sputnik. Өмүр бою абакка кесилген Азимжан Аскаров жарыялаган ачкачылыгын токтотконун Жаза аткаруу мамлекеттик кызматынан (ЖАМК) Sputnik Кыргызстан агенттигине билдиришти.

Белгилей кетсек, 24-январда Чүй облустук соту Азимжан Аскаровдун аппеляциялык арызын карап, өмүр бою эркинен ажыратуу боюнча чыккан өкүмдү күчүндө калтырган. Соттун өкүмүн уккандан кийин ал ачкачылык жарыялай турганын айткан.

Аскаровдун жактоочулары менен ЖАМКтын кызматкерлери аны ден соолугуна зыян келбеши үчүн ачкачылыгын токтотууга чакырышкан.

Аскаров дүйшөмбү күнү №1 абактын башчысына ачкачылыгын токтоткону тууралуу кат жазган. Анын абалы канааттандырарлык экенин мекемеден билдиришти.

Аскаров 2010-жылы улут аралык чыр тутантууга айыпталып өмүр бою эркинен ажыратылган. Ал Бишкек — Ош унаа жолун тосууну уюштургандардын катарында болгону айтылат. Куралсыз 13 милиция кызматкери каршылыкка чыккан элге түшүндүрүү иштерин жүргүзүп жаткан маалда башаламандык жараткандар аларды сабап, Сулайманов аттуу милиция кызматкерин өлтүрүп, мыкаачылык менен өрттөп жиберишкен.

Буга чейин айрым эл аралык уюмдар Аскаровду бошотуу талабы менен кайрылып, 2016-жылдын июль айында Германиянын канцлери Ангела Меркелден да Кыргызстанга болгон сапарында Аскаровду бошотууга жардам берүүсүн суранган. Сот Аскаровдун күнөөсү далилденгенин билдирди. Ал улуттар аралык жаңжалды козутуу, баш аламандык жана адам өлтүрүүгө катыштыгы бар деп айыпталган.

Тема:
БУУ комитети Кыргызстанды Азимжан Аскаровду бошотууга чакырды (42)

Тема боюнча

Евробиримдик Азимжан Аскаров боюнча соттун чыгарган чечимине нааразы
Азимжан Аскаров: көзүм өтүп кетсе, аялым менен укук коргоочуларга кабарлап койгула
Аскаровдун иши: БУУнун адам укуктары боюнча комиссары сот чечимине нааразы
Соттун өкүмүн уккан Аскаров "ачкачылык жарыялайм" деп кыйкырды
Белгилер:
ачкачылык, ЖАМК, Азимжан Аскаров
Колдонуу эрежелериПикирлер

ЭҢ МААНИЛҮҮ