БИШКЕК, 16-янв. — Sputnik. Өлүк сактоочу жайда убактылуу лагерь уюштурулуп, "Манас" аэропортунун жанындагы учактын кыйрашынан улам каза болгондордун жакындарына тамак-аш берилип жатат. Бул туурасында КРнын Улуттук кызыл жарым ай коомунун "Үй-бүлө байланышын калыбына келтирүү" программасынын координатору Салтанат Абдыжапарова билдирди.
"Күн бою каза болгондордун жакындары жана соттук медициналык экспертизанын кызматкерлерине чай, кофе, шириндиктер берилип турат", — деди Абдыжапарова.
Эске салсак, эртең менен Гонконг — Стамбул каттамы менен учкан MyCargo Airlines авиакомпаниясына таандык Boeing-747-400F учагы саат 7.30дар чамасында "Манас" аэропортуна жакын жердеги Дача-Суу айылына кулап түшкөн. Анын кесепетинен отуздан ашык киши каза болуп, 20дан ашык үй бузулган.
Учактын кыйрашына байланыштуу бардык маалыматтардын топтомун бул жактан окуңуздар>>
