02:46 07 Бештин айы 2019
Түз эфир
  • USD69.8490
  • EUR77.5883
  • RUB1.0962
Митинг. Архив

ИИМ Бабановдун митинги боюнча тарапташтарына эскертүү берди

© Sputnik / Табылды Кадырбеков
Саясат
Кыскача шилтеме алуу
277 0 0

Министрликтен айрым бир саясий күчтөрдүн чагымчылдык аракеттери тууралуу эскертүү берилген.

БИШКЕК, 13-апр. — Sputnik. Өмүрбек Бабановдун кайтып келиши боюнча өткөрүлө турган митингдин демилгечилери, уюштуруучулары жана активдүү катышуучулары мыйзам чегиндеги талаптарды аткарбаса, мыйзамга ылайык чара көрүлөт. Бул туурасында ИИМден кабарлашты.

"Акыркы мезгилдерде жалпыга маалымдоо каражаттарында жана социалдык түйүндөрдө Өмүрбек Бабановдун Кыргызстанга кайтып келишине байланыштуу ар кандай багыттагы акцияларды өткөрүү боюнча байма-бай маалыматтар тарап жатат. Ошол себептүү Ички иштер министрлиги кандай гана акциялар, митингдер, коомдук иш-чаралар болбосун коомдук тартипти сактоо менен анын мыйзамдуу өткөрүлүшү керектигин белгилейт. Коомдук иш-чаралар учурунда укук бузган аракеттерге жол берилбей тургандыгын эскертет", — деп айтылат маалыматта.

Министрликтен айрым бир саясий күчтөрдүн чагымчылдык аракеттери тууралуу эскертүү берилген. Бирок алардын кимдер экендиги так айтылган эмес.

"Ыкчам маалыматтарга ылайык, айрым бир саясий күчтөр чагымчылдык иш-аракеттерге барып, митингдин катышуучуларына терс таасирин берүүгө аракет кылуулары да мүмкүн", — деп айтылат маалыматта.

Ички иштер министрлиги коомдук тартипти сактоо, жарандардын коопсуздугун камсыз кылуу максатында комплекстүү ар тараптуу аракеттер көрүлөрүн айткан.

Андан сырткары, мыйзам бузууларды, провокация жасоого аракеттенүү, коомдук тартипти бузуу жана жарандардын укугун бузууга байланышкан жагдайлар ачыкталса, кескин түрдө мыйзам чегинде чараларды көрүү менен бирге коомдук тартипти бузууга, мыйзамдарды бузууга жол берилбестиги билдирилген.

Буга чейин "Республика" партиясы Бабановду тосууга 10 миңдей тарапташы чыга тургандыгы айтып, митингге уруксат берүүнү сурап Бишкек шаарынын мэриясына кат жөнөткөн. Митинг 13-апрель күнү саат 14.00дөн 20.00гө чейин өтөрү айтылган. Ал эми Бабанов Кыргызстага келүүнү, эл менен жүз көрүшүүнү чыдамсыздык менен күтүп жаткандыгын жазган.

Тема боюнча

Митингге чыкпагыла! Бабанов Кыргызстанга келбей калган себебин айтты. Видео
Белгилер:
митинг, эскертүү, ИИМ, Өмүрбек Бабанов, Кыргызстан

ЭҢ МААНИЛҮҮ