22:55 24 Баш оона 2019
Түз эфир
  • USD69.7882
  • EUR77.2311
  • RUB1.0638
Официальное открытие очередной сессии Жогорку Кенеша VI созыва

Эс алуудан кийинки биринчи жыйынга келбеген депутаттар себебин айтты

© Фото / пресс-служба Жогорку Кенеш
Саясат
Кыскача шилтеме алуу
Расул Үсөналиев
90640

4-сентябрда Жогорку Кеңештин алтынчы жыйыны расмий ачылды.

БИШКЕК, 5-сен. — Sputnik. Жогорку Кеңештин жайкы эс алуудан кийинки VI жыйынына алты депутат жүйөлүү себептерден улам катышпаганын Жогорку Кеңештин маалымат кызматы билдирди.

ЖК депутаттары гимн аткаруу учурунда. Архив
© Фото / пресс-служба Жогорку Кенеша
4-сентябрда парламенттин жыйыны расмий ачылып, Кыргыз Республикасынын гимни аткарылаар алдында төрага Дастанбек Жумабеков жыйынга жалпысынан 95 депутат катталганын айткан.

Жогорку Кеңештин маалымат кызматы айрым депутаттар кечигип жана чиптерин унутуп калгандыктан каттоодон өтүүгө жетишпей калган.

Жыйынга келбеген депутаттардын тизмеси жана себеби:

"Республика — Ата-Журт" фракциясынын депутаты Алиярбек Абжалиев. Эл өкүлү жыйынга келбегенинин себебин билүү үчүн ЖМК өкүлдөрү Жогорку Кеңешке расмий түрдө кайрылуусу керектигин билдирди.

"Өнүгүү — Прогресс" фракциясынын депутаты Алтынбек Жунус уулу менен байланышууга мүмкүн болгон жок.

"Кыргызстан" фракциясынын депутаты Насыр Мусаев менен дай байланышуу аракетинен майнап чыкпады.

"Республика — Ата-Журт" фракциясынын депутаты Таабалды Тиллаев Казакстандан келген ишкерлерди Көчмөндөр оюндарынын ачылышында жана Кырчын жайлоосунда болгон маданий иш чараларда коштоп жүргөнүн билдирди. Эл өкүлүнүн айтымында, бул ишкерлердин Кыргызстанда бир топ ишкана ачуу ниети бар.

КСДП фракциясынан депутат Осмонбек Артыкбаев Бишкек ТЭЦин модернизациялоодогу коррупциялык иштердин алкагында кармалып, учурда камакта.

"Бир Бол" фракциясынын депутаты Аскарбек Шадиевге карата Кылмыш жаза кодексинин үч беренеси боюнча кылмыш иши козголгон. Шадиев жазында Кыргызстандан чыгып кеткен. Акыркы маалыматтар боюнча АКШда.

Тема боюнча

Эмне үчүн аткаминерлер гимндин текстин билбейт? Пикирлер
Жогорку Кеңеш ишин баштады
Белгилер:
депутаттар, парламент, Жогорку Кеңеш

ЭҢ МААНИЛҮҮ