Аскар Шадиевди Жогорку Кеңеш биринчи вице-премьерликке жактырды

© Фото / пресс-служба ЖКЖК депутаты Аскарбек Шадиев
ЖК депутаты Аскарбек Шадиев - Sputnik Кыргызстан
Жазылуу
Шадиевдин талапкерлигин премьер-министр Сапар Исаков сунуштаган

БИШКЕК, 6-дек. — Sputnik. Жогорку Кеңештеги "Бир Бол" фракциясынын депутаты Аскар Шадиевди эл өкүлдөрү биринчи вице-премьерликке жактырды.

Президент Сооронбай Жээнбековдун кеңешчиси болуп дайындалган Фарид Ниязовдун архивдик сүрөтү - Sputnik Кыргызстан
Президент Жээнбеков Фарид Ниязовду өзүнө кеңешчи кылып дайындады
Жогорку Кеңештин бүгүнкү, 6-декабрдагы жыйынында Шадиевдин талапкерлигин депутаттарга өкмөт башчысы Сапар Исаков тааныштырды.

Добуш берүүдө 98 депутат Шадиевди колдоп добуш беришти, каршы чыккандар болгон жок.

Сөз алган Шадиев колунан келген бардык аракетти көрүп, өлкө үчүн депутаттар менен биргеликте иштей турганын айтты.

Ал эми премьер Исаков эл өкүлдөрүнө Шадиевдин талапкерлигин колдоп бергени үчүн ыраазычылык билдирди.

"Тарыхта алгачкы жолу депутат биринчи вице-премьер болуп келип жатат. Анын депутаттык мандаты сакталып турат. Аскар Шадиев өкмөт менен парламенттин ортосундагы көпүрө болуп берет деп ишенем. Силер берген тапшырамалардын бардыгын көзөмөлдөп, аткарганга аракет кылабыз", — деди ал.

Буга чейин Шадиевдин талапкерлигин Жогорку Кеңештин Конституциялык мыйзамдар, мамлекеттик түзүлүш, сот-укук маселелери жана регламент боюнча комитети карап жактырган болчу.

Жаңылыктар түрмөгү
0