БИШКЕК, 16-июл. — Sputnik. Борбордук шайлоо комитетине учурдагы премьер-министр Сооронбай Жээнбековду президенттик кызматка талапкер катары көрсөтүү боюнча КСДП партиясынын чечими түшкөндүгү боюнча БШКнын маалымат кызматынан билдиришти.
Эске салсак, 15-июль күнү Кыргызстан социалдык-демократиялык партиясы өз съездинде Жээнбековдун талапкерлигин көрсөтүү боюнча чечим алган.
2017-жылдын 15-июлуна карата Борбордук шайлоо комиссиясына өз талапкерлигин сунуштаган 23 адамдан арыз түштү. Алар: Назарбек Нышанов, Өмүрбек Текебаев, Арстанбек Абдылдаев, Бакыт Дегенбаев, Сайнидин Султанидинов, Камилла Шаршекеева, Таалатбек Масадыков, Өмүрбек Бабанов, Рита Карасартова, Турсунбай Бакир уулу, Замира Муратбекова, Санжарбек Энназаров, Сагынбек Абдрахманов, Мукар Чолпонбаев, Кубан Чороев, Анвар Сартаев, Куттубек Бешбаков, Игорь Трофимов, Максатбек Жумабеков, Улукбек Кочкоров, Нурсет Мамедов, Руслан Жунусов, Мирлан Шерикул уулу.
Ал эми "Ак-Шумкар" партиясы Темир Сариевдин, "Өнүгүү-Прогресс" Бакыт Төрөбаевдин, "Адам укугу" партиясы Турсунбек Акундун, "Бүтүн Кыргызстан" партиясы Адахан Мадумаровдун, КСДП Сооронбай Жээнбековдун талапкерлигин көсөттү.
