БИШКЕК, 12-апр. — Sputnik. 14-апрель күнү Бишкекте Евразиялык экономикалык жогорку кеңештин жыйыны менен Жамааттык коопсуздук боюнча келишим уюмуна мүчө мамелкет башчыларынын бейрасмий жолугушуусу өтөт. Бул тууралуу өлкө башчынын маалымат кызматы билдирди.
"Жыйын жүрүшүндө тараптар биримдиктин алкагында экономикалык кызматташуу, ошондой эле эл аралык мамиле жана мындан аркы интеграция маселелерин талкуулашат. Мындан тышкары, президенттер тарабынан Молдованын ЕАЭБ алдында байкоочу статусун алуу өтүнүчү каралат", — деп айтылат маалыматта.
Жыйынга Армения, Белоруссия, Казакстан, Кыргызстан, Россия жана Молдова өлкө башчыларынын катышуусу күтүлүп жатат.
"Ал эми президенттердин бейрасмий жолугушуусунда ЖККУнун мындан аркы өнүгүшү, ошондой эле аймактык коопсуздукту камсыздоо жаатындагы кызматташуу маселелери ортого салынат", — деп белгиленет билдирүүдө.
Иш-чарага Армения, Белоруссия, Казакстан, Кыргызстан, Россия жана Тажикстандын президенттери катышмакчы.
