БИШКЕК, 26-мар. — Sputnik. Кечээ УКМКнын убактылуу кармоо жайына киргизилген экс-депутат Садыр Жапаровдун баш коргоо чарасын өзгөрткөн Биринчи Май райондук соту аны тергөө бүтмөйүн камакта калсын деген өкүм чыгарды. Бул туурасында УКМКнын маалымат кызматы кабарлады.
Сот Жапаровдун Бишкек шаарындагы №1 убактылуу кармоо жайына калуусун чечкен.
Экс-депутат Садыр Жапаровдун тарапташтары 2017-жылы 25-мартта аны колдоп, митингге чыгышты. Ал күнү эртең менен атайын кызмат Жапаровду чек арадан кармап, УКМКга алып келген. Экс-депутаттын тарапташтары аны бошотуу талабы менен Улуттук коопсуздук мамлекеттик комитетинин алдына митингге чыгышкан. Бул нааразылыктан кийин анын 68 тарапташы кармалып, эртеси, 26-мартта Биринчи Май соту аларды 2 күндөн 5 күнгө чейинки мөөнөткө абакта калуу өкүмүн чыгарган.
