Кыйкырган кишилер, кубалаган милиция. Жапаровдун тарапташтарынын митинги

Жазылуу
Бүгүн түштө Садыр Жапаровду УКМКнын кызматкерлери кыргыз-казак чек арасынан өтүп жатканда кармап, Улуттук коопсуздук мамлекеттик комитетине алып келген. Анын жактоочулары Горький атындагы паркта митинг уюштуруп, андан кийин УКМКнын алдына келишкен.

Ал жактан милиция менен тиреше кетип, укук коргоо органдары митингчилерге эскертүү катары асманга ок чыгарды. Акырында чогулгандарды милиция таркатты.

Митинг сторонников Садыра Жапарова у здания ГКНБ в Бишкеке - Sputnik Кыргызстан
Экс-депутат Садыр Жапаровду колдогондордун митинги. Тексттик трансляция
Экс-депутат Кылмыш жаза кодексинин барымтага алуу, бийлик өкүлүнө карата зомбулук көрсөтүү, өлтүрөм деп коркутуу, бейбаштык беренелери боюнча айыпталууда.

УКМКнын берген маалыматына ылайык, Садыр Жапаров 2013-жылы 7-октябрда Каракол шаарында болгон нааразычылык акциясы учурунда Эмил Каптагаевди барымтага алгандарга телефон аркылуу буйрутма берип турганы тергөө учурунда аныкталган. Барымтага алынган Каптагаев отурган унаа Жапаровдун тууганы Куланбаевге таандык болгон.

"Күбөлөрдүн көрсөтмөсүнө жана кылмыш ишиндеги документтерге ылайык, 7-октябрда уюштурулган митинг бийликти басып алып, Ысык-Көл облусундагы абалды туруксуздаштырууга багытталган", — деп билдирет УКМК.

Мындан сырткары, Жапаров аталган митингди каржылаган деп айыпталууда.

Жаңылыктар түрмөгү
0