БИШКЕК, 30-янв. — Sputnik. Үстүбүздөгү жыл ичинде Түркиянын президенти Режеп Тайип Эрдогандын Кыргызстанга келиши күтүлүп жатканын элчиликтен кабарлашты.
Кыргызстандын Түркиядагы элчиси Ибрагим Жунусов президенттин башкы кеңешчиси Ялчын Топчу менен жолугушуп, эки өлкө ортосундагы карым-катнаштын маанилүүлүгүн белгилеген.
Элчи жогорку деңгээлдеги жолугушуулар ошондой эле Түркия президентинин Кыргызстанга пландалып жаткан сапары эки тараптуу мамилелерди чыңдай турганын айткан. Бирок түрк өлкө башчысы Кыргызстанга кайсы күнү келээри так айтылган эмес.
Мындан тышкары, жолугушуу учурунда тараптар Түркиядагы абал жана кыргыз-түрк мамилелери тууралуу кеп козголгон.
