13:16 19 Аяк оона 2019
Түз эфир
  • USD69.8460
  • EUR77.1205
  • RUB1.0841
Депутат Жыргалбек Саматов

Депутат Жыргалбек Саматов мандатынан ажырады

© Фото / пресс-служба ЖК КР
Саясат
Кыскача шилтеме алуу
17211

БШК өкүлү Саматовдун буга чейин Россиянын жарандыгы жок деп келген маалыматтары боюнча Башкы прокуратура юридикалык баа берүүсү керектигин айтты.

БИШКЕК, 8-июл. — Sputnik. БШК бүгүнкү жыйынында Жогорку Кеңештин депутаты Жыргалбек Саматовду мандатынан ажыратты. Бул тууралуу Sputnik Кыргызстан маалымат агенттигине Борбордук шайлоо комиссиясынан кабарлашты. 

ЖКдагы "Республика — Ата-Журт" фракциясынын депутаты Саматовдун мандат үчүн күрөшү былтыркы жылдан тарта улантып келген.

"БШКнын чечими менен ал башка мамлекеттин жараны болгондуктан мандатынан ажыратылып, депутаттык ыйгарым укуктары токтотулду",— деп билдиришти комиссиядан.

Буга чейин Борбордук шайлоо комиссиясы Саматовду Россиянын жараны деген жүйө менен депутат катары каттабай койгон. Депутаттыкка талапкер сотко кайрылып, анын чечими менен БШКнын аракети мыйзамсыз деп табылган. 

Өткөн жылдын 7-декабрында БШК соттун чечимин орундатып, Саматовго мандат берген. Бирок бир жумадан кийин анын кош жарандуулугу боюнча Федералдык миграциялык кызматтын катын тастыктоо зарылдыгына таянуу менен кайра мандатынан ажыраткан. Анда Саматов ант берүүгө үлгүргөн эмес.

Үстүбүздөгү жылдын 11-январында БШК соттун чечиминин негизинде Саматовго депутаттын төш белгисин тапшырган.

БШК өкүлү Саматовдун буга чейин Россиянын жарандыгы жок деп келген маалыматтары боюнча Башкы прокуратуранын юридикалык баа берүүсү керектиги комиссиянын бүгүнкү чыгарган чечимине киргизилгенин айтты.

Ал эми Саматов Sputnik Кыргызстан агенттигине берген маегинде орус жараны эместигин далилдөө үчүн Россиянын сотуна да кайрылганын, БШКнын бүгүнкү чыгарган чечими боюнча сотко арызданарын белгиледи.

Тема боюнча

Сот аркылуу депутаттык мандатка жеткен Саматов ант берди
Жыргалбек Саматов акыры ЖК депутаты болду
Белгилер:
депутат, мандат, Республика Ата-Журт СП, Жыргалбек Саматов

ЭҢ МААНИЛҮҮ