Депутаттардын көбү кайсы окуу жайды бүткөн. Эл өкүлдөрүнүн билими

Жазылуу
Кыргызстандын ар бир экинчи мыйзам чыгаруучусу Кыргыз мамлекеттик улуттук университетинин дипломун алган. Бул өлкөдөгү ЖОЖдордун арасындагы эң жогорку көрсөткүч.

Жогорку Кеңеште кайсы кесип артыкчылык кыларын жана эл өкүлдөрүнүн канча диплому бар экенин билип көрдүк.

Рейтингдин экинчи сабына Тышкы иштер министрлигинин алдындагы Дипломатиялык академия чыкты. Бул жерден парламентарийлердин 15 пайызы билим алган. Ал эми ар бир тогузунчу эл өкүлү окуган Ишенаалы Арабаев атындагы Кыргыз мамлекеттик университети үчүнчү сапка илешти.

Адистиги жагынан караганда 120 депутаттын 55инин юридикалык билими бар. Экономисттер да четтен чыгат. Бул адистик боюнча 47 депутаттын диплому бар. Ал эми беш эл өкүлүнүн бирөө гана качандыр бир убакта инженердикке окуган.

Парламентарийлердин 47 пайызы бир дипломго гана эгедер. Эки жогорку окуу жайды аяктаган эл өкүлдөрү 40 пайызды түзөт. Ар бир онунчу депутат үч жогорку билими менен мактана алат. Ал эми депутаттардын үч пайызы гана төрт дипломго ээ.

Мындан сырткары, кайсы депутат канча ирет жумушка келбей койгонун билгиңиз келсе бул жакка баш багыңыз.

Жаңылыктар түрмөгү
0