01:38 20 Бугу 2019
Түз эфир
  • USD69.8500
  • EUR78.0539
  • RUB1.0807
MegaCom бренди менен таанымал Альфа Телеком мамлекеттик ишканасынын жетекчиси Акылбек Жамангулов. Архивдик сүрөт

Абылгазиевдин бажасы MegaCom башчысын коркутуп жатабы? Чоо-жайы

© Фото / пресс-служба ЖК
Окуялар
Кыскача шилтеме алуу
426 0 0

MegaCom компаниясынын башчысына премьер-министрдин бажасы Иманкадыр Рысалиев тарабынан коркутуулар болуп жатканы айтылды.

БИШКЕК, 17-май — Sputnik. MegaCom бренди менен таанымал "Альфа Телеком" мамлекеттик ишканасынын жетекчиси Акылбек Жамангулов аны Иманкадыр Рысалиев коркутуп жатканын "КТ Мобайл" чыры боюнча түзүлгөн убактылуу депутаттык комиссиянын жыйынында билдирди.

Белгилей кетсек, буга чейин "КТ Мобайл" мамлекеттик компаниясы ишке кирбей жатып 170 миллион сомдук карызы бар экени белгилүү болгон. Компаниянын башкы директорунун орун басары Эрназар Иманкадыр уулу ишкана иштеп баштаса эле жарым жылдын ичинде карыздардан кутулууга болорун билдирген. Компания "Альфа Телеком" ЖЧКсынын базасында ачылмак. Тагыраагы, бир мамлекеттик компаниянын эсебинен экинчи мамлекеттик мобилдик байланыш оператору рынокко чыкмак. Кийинчерээк Эрназар Иманкадыр уулу премьер-министрдин бажасы Иманкадыр Рысалиевдин баласы экени маалым болгон. Буга байланыштуу ал кызматтан бошотулган.

Бүгүнкү депутаттык комиссиянын жыйыны учурунда "Альфа Телекомдун" жетекчиси Акылбек Жамангулов аны Иманкадыр Рысалиев "КТ Мобайл" ишканасын ишке киргизүү үчүн каражат которуусун талап эткенин, жада калса коркутканын билдирди.

"Аябай көп телефон чалуулар болду. "Бул долбоорду ишке ашырбасаң жаман болот" деп коркутуп жатты. Далил үчүн SMS билдирүүлөрү бар. "Сени текшертем, каматам, укук коргоо органдарын тартам, түбүңө жетем, үй-бүлөңдү, балдарыңды кара" деп коркутту. Кечирип коюңуздар, ачык айтууга туура келип жатат. Себеби үй-бүлө баарыбыз үчүн маанилүү болсо керек", — деди Жамангулов.

Ал ошондой эле Иманкадыр Рысалиевдин тажрыйбасын сыйлай турганын, бирок "Альфа Телекомго" жетекчи болуп келгенден кийин так ушул компаниянын кызыкчылыгын коргой турганын белгиледи.

Тема боюнча

Саясатчылардын, депутаттардын балдары кайда иштейт. Тизме
"КТ Мобайл" ишканасынын ишмердигин текшерчү депутаттардын тизмеси бекиди
"КТ Мобайл" ишканасынын ишмердигин депутаттык комиссия иликтейт
Белгилер:
"КТ Мобайл" ЖЧКсы, Чыр-чатак, Альфа Телеком” ЖАК, Акылбек Жамангулов

ЭҢ МААНИЛҮҮ