Доллар кымбаттоодо. Улуттук банк үч күн ичинде 22 млн. "жашылбай" сатты

© Sputnik / Табылды КадырбековПяти долларовая и Тысячи сомовая купюра на столе. Архивное фото
Пяти долларовая и Тысячи сомовая купюра на столе. Архивное фото - Sputnik Кыргызстан
Жазылуу
Улуттук банк интервенцияны түрдүү себептерден улам валютанын курсун турукташтыруу үчүн жасайт

БИШКЕК, 7-июл. — Sputnik. Кыргызстандын Улуттук банкы бейшемби күнү валюта рыногуна 6,6 миллион доллар сатканы тууралуу маалымат мекеменин расмий сайтына жарыяланды.

АКШ долларлары. Архив - Sputnik Кыргызстан
КРде миллион доллар кантип тапса болот. Байлар менен карапайымдардын пикири
Ушуну менен Улуттук банк апта ичинде долларды экинчи жолу сатууда. Шейшемби күнү 15,5 миллион доллар саткан.

Белгилей кетсек, Улуттук банк жалпысынан 16 миллион 160 миң долларды валюта рыногунан алган.

Доллардын баасы апрелдин соңунан тарта кымбаттай баштады. Ошол мезгилде Улуттук банктын расмий курсу 67,24 сомду түзсө, учурда 69,6 сомго жетти. Акыркы декадада эле "жашылбайдын" наркы 75 тыйынга жогорулап кеткен.

Улуттук банк интервенцияны түрдүү себептерден улам валютанын курсун турукташтыруу үчүн жасайт. Былтыр ал 192 миллион доллар сатып алып, 150 миллион доллар саткан.

Жаңылыктар түрмөгү
0