Режиссёр Мирлан Абдыкалыковго Польшадан үч сыйлык ыйгарылды

© Sputnik / Эркин СадыковРежиссёр Мирлан Абдыкалыков
Режиссёр Мирлан Абдыкалыков - Sputnik Кыргызстан
Жазылуу
"Жөө күлүктө" үй-бүлөнү сактоого жан үрөгөн өспүрүм Жекшендин баяны аркылуу ата-энесиз калып, тагдырдын оор сыноосуна кабылган жаш балдардын көйгөйүн көтөрөт.

БИШКЕК, 10-дек. — Sputnik. Режиссёр Мирлан Абдыкалыковго Польшадагы эл аралык кинофестивалдын жабылыш салтанатында үч сыйлык ыйгарылды. Бул тууралуу Кинематографияны колдоо департаменти билдирди.

Белгилей кетсек, AleKino! деп аталган эл аралык кинофестиваль өтүп, кыргызстандык режиссёрдун "Жөө күлүк" тасмасы тартууланган. Иш-чаранын алкагында Абдыкалыков польшалык окуучулар үчүн мастер-класс өткөнү айтылган.

"Биринчи сыйлыкты Польша кинематографисттеринин ассоциациясы "Балдар үчүн мыкты фильм" номинациясы боюнча берсе, режиссёрдук иши үчүн Ale Debut! сыйлыгы тапшырылды. Мындан тышкары, "Жөө күлүк" эл аралык калыстардын атайын белгилөөсүндөгү тасма болуп калды", — деп айтылат маалыматта.

Disney кыргыз жигиттери тартылган Мулан тасмасынын жаңы трейлерин чыгарды - Sputnik Кыргызстан
Disney кыргыз жигиттери тартылган "Мулан" тасмасынын жаңы трейлерин чыгарды
Жаш көрүүчүлөр үчүн жыл сайын уюштурулуп келген AleKino! эл аралык фестивалы Европанын ири кинофоруму болуп саналып, 10 миңдей киши келет.

Быйыл иш-чарага 41 толук метраждуу, 73 кыска метраждуу тасма катышып, Германия, Франция, Финляндия, Канада, Польша, Австралия, США, Испания, Түштүк Корея, Бразилия, Голландия, Кытай, Ирландия, Норвегия, Бельгия сыяктуу мамлекеттердин фильмдери тартууланды.

Жаңылыктар түрмөгү
0