22:04 12 Бештин айы 2019
Түз эфир
  • USD69.8500
  • EUR77.7815
  • RUB1.1048
Маданият

Уулдарын ээрчиткен Айтматов, жылмайган Шамшиев. "Ак кеме" тасмасындагы таберик сүрөт

Кыскача шилтеме алуу
"Таберик сүрөт" — сейрек кездешкен ирмемдер (87)
82110
Режиссер Болот Шамшиев, улуу жазуучу Чыңгыз Айтматов, актриса Айтурган Темирова жана кичинекей Нургазы Сыдыгалиевдин сүрөтү. 1974-жылы Ысык-Көл
© Sputnik / Александр Фелоров

Sputnik Кыргызстан маалымат агенттиги архивде сакталып жаткан сейрек сүрөттөрдү жарыялап, тарыхын баяндайт.

Режиссер Болот Шамшиев, улуу жазуучу Чыңгыз Айтматов, актриса Айтурган Темирова жана кичинекей Нургазы Сыдыгалиевдин сүрөтү 1974-жылы Ысык-Көлдө тартылган.

Ал жылы "Ак кеме" тасмасынын тартуу иштери жүрүп, Асанкул Куттубаев, Орозбек Кутманалиев, Турсун Уралиев, Сабира Күмүшалиева, Даркүл Күйүкова, Назира Мамбетова жана Чоро Думанаев фильмде роль жараткан.

Ошол учурду оператор Манасбек Мусаев мындайча эскерет:

"Чыңгыз Төрөкулович анда эки уулун эрчитип алып фильм тартылган жерге келген эле. Биз  Жети-Өгүз районундагы Чоң-Жаргылчак капчыгайында иштеп жатканбыз. Жалпы 20дай адам тоо койнунда 2-3 айдай жашап, иштедик. Эгер билсеңиздер тасманын сценарийин режиссер Болот Шамшиев менен Чыңгыз Айтматов биргеликте жазган. Алар айрым маселерди чогуу-чаран талкуулап, кеңешип турушчу", — деди Мусаев.

Айтматовдун чыгармасынын негизинде тартылган фильм 1976-жылы Фрунзеде өткөн Бүткүл союздук IX кинофестивалда баш байгеге ээ болгон. Андан соң башка союздук республикаларда чыгып, көрүүчүлөр тарабынан жылуу кабыл алынган.

Тема:
"Таберик сүрөт" — сейрек кездешкен ирмемдер (87)

Тема боюнча

Эшекчен алп актер. Муратбек Рыскуловдун таберик сүрөтү
Индия ырларын созгон Гүлжамал, бакырайган Нургазы. "Ак кемедеги" таберик сүрөт
Белгилер:
кино тасма, "Ак кеме" тасмасы, Нургазы Сыдыгалиев, Айтурган Темирова, Чыңгыз Айтматов, Болот Шамшиев, Кыргызстан

Дагы инфографика

ЭҢ МААНИЛҮҮ