БИШКЕК, 16-окт. — Sputnik. Казакстандын тунгуч президенти Нурсултан Назарбаевдин фитнес-гаджетиндеги көрсөткүчтү анын маалымат катчысы Айдос Укибай Twitter баракчасына жарыялады. Бул тууралуу Sputnik Казакстан агенттиги жазды.
Гаджетке катталган маалыматта Назарбаев 1 саат 16 мүнөт жөө басканы айтылат.
Здоровый образ жизни для Нурсултана Назарбаева всегда был приоритетом. Несмотря на насыщенный график, во время визита в Азербайджанскую Республику Елбасы совершил пешую прогулку, пройдя четыре с половиной километра вдоль Каспийского побережья. pic.twitter.com/dm0ptyNwXm
— Aidos Ukibay (@Aidos_Ukibay) 16 октября 2019 г.
"Нурсултан Назарбаев сергек жашоо образын ар дайым биринчи орунга коёт. Азербайжанга болгон сапары учурунда дагы тыгыз графигине карабай Элбасы Каспий деңизинин жээгин бойлой 4,5 чакырым аралыкты басып өттү", — деди Укибай.
Элбасынын пульсу минутасына 71 ирет, ал эми басып баратканда 82 жолу согуп турган.
Белгилей кетсек, Казакстандын тунгуч президенти быйыл 6-июлда 79 жашка толду. Ушул жылдын 19-мартында тактыны тапшырып берген. Азыркы тапта ал Казакстандын Коопсуздук кеңешинин төрагасы кызматын аркалайт.
Элбасы 14-15-октябрь күндөрү Бакуда Түрк тилдүү элдердин кызматташтыгы кеңешинин VII саммитине катышкан.
