БИШКЕК, 9-апр. — Sputnik. Баткен шаарынын 65 жаштагы тургуну 22-мартта кудукка түшүп, кайра чыга албай калган. Аны куткаруучулар 6-апрелде алып чыгышкан.
ӨКМдин полковниги Орозбек Пазыловдун айтымында, 65 жаштагы тургун суу аз чыгып жатканынан улам 18 метрлик кудукка түшкөн.
“Тургун кудукка 6 метрден жасалган үч шаты менен түшүп-чыгып турган. Ошол күнү да түшүп, кайра чыгарда астыңкы шатынын буту сынып кеткен. Тереңдик 18 метр, 4 кабаттуу үйдөй эле... Кудук эски тамдын короосунда болгондуктан кишинин кыйкырганын эч ким уккан эмес, үнү да бүтүп калган. Ошентип кудукта суу ичип 16 күн жаткан”, — деди полковник.
Ал 16-күн дегенде ойноп жүргөн балдар кишинин жардам сураганын угуп калышкан. ӨКМ кызматкери киши суукта көп отуруп калганын, абалы канааттандырарлык экенин кошумчалады.
Инжект: https://sputnik.kg/20251124/shakhta-urap-kamalyp-kalgandar-aman-esen-kutkaryldy-1098056333.html
Теги: Баткен куткаруу кудук ӨКМ