БИШКЕК, 25-сен. — Sputnik. Кыргызстандын аскер кызматкерлери ЖККУнун "Бузулбас боордоштук — 2024" машыгууларына жөнөп кетишти. Бул тууралуу Коргоо министрлиги билдирди.
Маалыматка караганда, Жамааттык коопсуздук жөнүндө келишим уюмунун тынчтыкты орнотуучу күчтөрү Казакстанда машыгат. Иш-чара 28-сентябрдан 5-октябрга чейин "Берег" полигонунда өтөт.
Эске салсак, "Бузулбас боордоштук" командалык-штабдык машыгуусу былтыр Кыргызстандын аймагында өткөн.