БИШКЕК, 15-авг. — Sputnik. Өлкөнүн жер-жерлеринде 15-16-августта нөшөрлүү жамгыр жаап, натыйжада айрым аймактарды суу каптап, таш кулашы мүмкүн. Бул тууралуу ӨКМден билдиришти.
Сел жүрүшү жана таш кулашы ыктымал райондор
© Фото / пресс-служба МЧС КР
Сел жүрүшү жана таш кулашы ыктымал райондор:
Баткен облусу: Баткен, Лейлек, Кадамжай;
Жалал-Абад облусу: Сузак, Ала-Бука, Аксы, Токтогул, Ноокен, Тогуз-Торо;
Ош облусу: Кара-Кулжа, Өзгөн, Ноокат, Алай, Чоң-Алай, Кара-Суу райондору жана Ош шаарында;
Ысык-Көл облусу: Ак-Суу, Жети-Өгүз, Ысык-Көл, Түп, Тоң;
Чүй облусу: Аламүдүн, Жайыл, Ысык-Ата, Чүй, Сокулук, Москва, Панфилов, Кемин;
Нарын облусу: Кочкор, Жумгал, Ат-Башы, Ак-Талаа, Нарын райондорунда,
Талас облусу: Чыңгыз Айтматов, Бакай-Ата, Талас райондорунда.
Республиканын унаа жолдорундагы кооптуу тилкелер:
Бишкек — Ош унаа жолунун 285, 342-348, 358-362, 400, 411-426-чакырымдарында;
Ош — Сары-Таш — Эркеч-Там унаа жолунун 64-65, 68-70, 78-80, 100, 106, 121-124, 133-чакырымдарында;
Бишкек — Балыкчы (Боом капчыгайы) унаа жолунун 112-128-чакырымдарында;
Балыкчы — Бөкөнбаев унаа жолунун 64-117-чакырымдарында;
Талды-Суу — Арал унаа жолунун 4-5-чакырымдарында;
Ош — Исфана унаа жолунун 64-78, 125-138, 149-190-чакырымдарында;
Мырзаке — Кара-Шоро унаа жолунун 18-28, 32-37, 44-56-чакырымындарында;
Кербен — Ала-Бука — Каныш-Кыя унаа жолунун 2-4, 12-13, 22-24-чакырымындарында.
Министрлик жарандарды жана айдоочуларды этият болууга жана коопсуздук чараларын сактоого чакырып, өзгөчө кырдаал болгон учурда ӨКМдин жергиликтүү органдарына кайрылууну өтүндү.