БИШКЕК, 28-май — Sputnik. Жыргалаң суусуна түшүп кеткен К.М. аттуу жети жаштагы кыздын сөөгү табылды. Бул тууралуу ӨКМ билдирди.
Маалыматка караганда, бүгүн, 28-майда, куткаруучулар наристени Дача тилкесиндеги көлдүн жээгинен 500 метр алыстыктагы суунун ичинен табышкан. Бөбөктүн сөөгү туугандарына өткөрүп берилди.
Эске салсак, 18-майдан бери аталган суудан эки кыз изделип жаткан. Алар Михайловка айылындагы Дачаны бойлоп өткөн Жыргалаң суусуна түшүп кетишкен. Биринин сөөгү табылып, экинчиси изделип жаткан.