БИШКЕК, 1-дек. — Sputnik. Евробиримдик алгач Украина менен стратегиялык өнөктөштүк боюнча макулдашып, 5-10 жылдан кийин гана ЕБге мүчөлүккө кириши жаатында теманы сүйлөшүүсү керек. Бул туурасында Венгриянын премьер-министри Виктор Орбандын айтканын РИА Новости жазды.
"Эгерде биздин пикирди сураса, мен Евробиримдик Украина менен стратегиялык өнөктөштүк боюнча алгач макулдашып алышын сунуштаар элем, буга беш-он жыл кетет. Аларды жакындаталы, себеби арасы (алакасы) алыс. Кызматташууга убакыт берели. Мамиле түзүүгө болоруна көзүбүз жеткенде мүчөлүк тууралуу маселени көтөрөбүз. Бирок бул көп жылдан кийин болчу нерсе", — деген Орбан Kossuth радиосунун обосунда сүйлөп жатып.
Анын айтымына караганда, ЕБ мындай катаны Түркия боюнча кетирген. Мындан 20 жылдай илгери биримдикке киргизүү боюнча сүйлөшүүнү аталган чечимди жакшылап иштеп чыкпай туруп баштап алган...
Орбан Украинанын ЕБге кириши жакшылап иштелип чыга электигин белгиледи.