БИШКЕК, 21-июл. — Sputnik. Бишкек шаарынын четинде жайгашкан "Дордой" соода базарынын ичиндеги "Алкан" базарына бомба коюлганы тууралуу маалымат түшүп, учурда сапёрлор жарылуучу затты издеп жатат. Бул тууралуу Свердлов райондук милициясынан кабарлады.
Бомба боюнча милицияга 09:55 чамасында кабарлашкан.
Окуя болгон жерге Свердлов райондук ички иштер бөлүмүнүн ыкчам тергөө кызматынын тобу барып, аталган аймак курчоого алынып, андагы эл жана иштегендер эвакуацияланган.
Учурда ИИМдин кинологдору иштеп жатканы айтылды.